تورکیا داوای چەک بە بەهای یەک ملیار دۆلار لە رووسیا دەکات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

تورکیا داوای چەک بە بەهای یەک ملیار دۆلار لە رووسیا دەکات

حکوومەتی تورکیا داوای چەک و کەلوپەلی سەربازی بە بەهای یەک ملیار دۆلار لە رووسیا دەکات.

بەپێی هەواڵێکی ئاژانسی (سپۆتنیک)، ئەمڕۆ سێشەممە 2-6-2020 دیمیتری شۆگایڤ، سەرۆکی دەستەی فیدراڵیی رووسی بۆ هەماهەنگیی سەربازی، رایگەیاندووە، دانوستاندنەکانی نێوان وڵاتەکەی و تورکیا لەبارەی رادەستکردنی دووەم سیستەمی دژەمووشەکیی S400 بە تورکیا، لە قۆناغێکی پێشکەوتوو دان.

دیمیتری شۆگایڤ هەروەها رایگەیاندووە، بەهای داواکارییەکانی تورکیا بۆ کڕینی چەکی رووسی گەیشتووەتە یەک ملیار دۆلار.

ئەو بەرپرسە رووسییە ئاماژەی بەوەش کردووە، کە بەهۆی کۆتوبەندەکانی تایبەت بە پەتای کۆرۆنا، ئەستەمە کاتی واژۆکردنی گرێبەستی نوێی سەربازیی نێوان مۆسکۆ و ئەنقەرە دیاری بکرێت.