ل زاخۆ گه‌نجه‌كی مالپه‌ره‌كا وه‌رگێرانا ئۆنلاین دروست كریه‌
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ل زاخۆ گه‌نجه‌كی مالپه‌ره‌كا وه‌رگێرانا ئۆنلاین دروست كریه‌

 

ئه‌یمه‌ن سه‌برى، ئه‌و قوتابیێ ژیرمه‌ند بوویه‌، قوتابیێ زانكویا زاخۆ یه‌، ب ژیرى و داهێنانێن خۆ ، شیایه‌ مالپه‌ره‌كێ دروست بكه‌ت كو تایبه‌ته‌ بۆ كارێ وه‌رگێرانا هه‌ردوو زمانێن كوردی و ئنگلیزى ڤه‌.

ئه‌یمه‌ن سه‌برى ئه‌و قوتابیێ شیایى سه‌رنجا سۆشیال میدیایێ بۆ سه‌ر كارێ خۆ رابكێشیت، د دیداره‌كێ دا بۆ (باسنیوز) دا دیاركرن: "ژ به‌ر كو هه‌ر كه‌سه‌ك خودان به‌هره‌یه‌كه‌، هه‌ر كه‌سه‌ك دشێت د بواره‌كێ ژیانێ دا خۆ پێش بئێخیت، هه‌ر كه‌سه‌ك خودان شاره‌زایی و جوره‌كێ شیانێ یه‌، هه‌ر مرۆڤه‌ك دێ شێت شیانێن خۆ یێن مه‌زن دیار كه‌ت و خزمه‌تا جڤاك و ملله‌تى كه‌ت. ئه‌گه‌ر مرۆڤ به‌رده‌وام بیت ل سه‌ر هه‌ولدانان و نه‌ راوه‌ستیت و بێ هیڤى نه‌بیت ژ هیڤیێن خۆ، له‌ورا من ژى ده‌مه‌ك درێژه‌، د خواست كاره‌ك ب ڤى ره‌نگى ئه‌نجام بده‌م كو بشێم مالپه‌ره‌كێ تایبه‌ت بۆ كارێ وه‌رگێرانێ ڤه‌ ب ناڤ و نیشانێ http://wargeran.net/ دروست بكه‌م وكارێ من خزمه‌تا خه‌لكى بكه‌ت".

ئه‌یمه‌ن سه‌برێ كو قوتابیێ زانكویا زاخۆ یه، ئاماژه‌ ب وێ چه‌ندێ ژى دده‌ت: "هه‌ر چه‌نده‌ قوتابى مه‌، خواندنا من نه‌بوویه‌ رێگر ل كارێ من یێن داهێنانێ، به‌رۆڤاژى ئه‌ز پتر بهێز دكه‌ڤم به‌رده‌وام بم ل سه‌ر خواندنا خۆ و د هه‌مان ده‌م دا كارێن داهێنانێ ئه‌نجام بده‌م" و گۆت ژى:" پتر ژ 15 كارێن دى وه‌كه‌ پرۆژه‌ من دروست كرینه‌ و دوماهى كارێ من، دروستكرنا مالپه‌ره‌كێ بوویه‌، كو تایبه‌ته‌ ب كارێ وه‌رگێرانا 2 زمانان كو ب رێكا مالپه‌رێ هه‌ر كه‌سه‌ك دشێت وه‌رگێرانێ ژ زمانێ كوردى بۆ ئنگلیزى وبه‌رۆڤاژى ئنگلیزى بۆ كوردى ئه‌نجام بده‌ت. ئه‌ڤ كاره‌ هه‌موو من د ده‌مێ 30 رۆژان دا ئه‌نجام دایه‌ تا كو مالپه‌ر دروست بووى و كه‌فتیه‌ كارى و دیار كر ژى:" هه‌مى داتایێن ئه‌ڤێ مالپه‌رێ من ژ فه‌رهه‌نگا بزاڤ وه‌رگرتینه‌ و نۆكه‌ ئه‌ڤ پرۆژه‌ وه‌كه‌ مالپه‌رێ وه‌رگێرانێ ل سه‌ر هه‌مى سیسته‌مان كار دكه‌ت".

ئه‌یمه‌نى دوماهى ئاخفتنا خۆ دا ئەڤە گۆت: "ئه‌ڤ كاره‌ ده‌مه‌كێ گه‌له‌ك نێزیكى دێ ب شێوازێ ئه‌پلیكه‌یشن كار كه‌ت و زێده‌تر ژ 40 هزار په‌یڤان بۆ هه‌ردوو زمانێن كوردى و ئنگلیزى د ناڤا ئه‌ڤێ مالپه‌رێ وه‌رگێرانێ دا هه‌نه‌ و ده‌مه‌كێ گه‌له‌ك نێزیك دێ ئه‌ڤ په‌یڤه‌ د ناڤا مالپه‌رێ دا زێده‌ بن و دێ هه‌ول ده‌ین رێژا په‌یڤان بگه‌هیته‌ 100 هزار په‌یڤان و هیڤیخوازین ئه‌م شیابین كاره‌ك بچیك پێشكێشى خه‌لكێ خۆ بكه‌ین و هیڤیخوازین هه‌مو گه‌نج ده‌مێ خۆ ژ پێخه‌مه‌ت خزمه‌تكرنا جڤاك و ملله‌تێ خۆ دا ده‌رباز بكه‌ت".

ھەژی دیارکرنێ یە، ئەیمەن سەبری، ژدایک بوویێ سالا ١٩٩٨ یە، خەلکێ قەزا زاخۆ یە سەر ب پارێزگەھا دھۆکێ و قوتابیە ل زانکۆیا زاخۆ ل کۆلێژا کارگێری و ئابۆری ـ بەشێ زانستێت دارایی و بانک ل قۆناغا چارێ بەردەوامە ل سەر خواندنا خۆ.