كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

خۆپیشاندەرانی ئەمریكا خێریان لە ئایفۆنە دزراوەكانیان نەبینی

"تكایە بمگەڕێنەوە كۆگاكەی خۆم"


ئەمڕۆ لە تۆڕە كۆمەڵایەتییەكانی ئەمریكادا چەندین ڤیدیۆ و وێنەی ئەو ئایفۆنانە بڵاو كرایەوە كە لە چەند رۆژی رابردوودا لەلایەن خۆپیشاندەرانی ئەم وڵاتەوە لە كۆگاكانی ئەپڵ دزرابوون، دەركەوتووە كۆمپانیای ئەپڵ هەموویانی لەكار خستووە و پەیامێكی بۆ بەجێ هێشتوون.


بە پێی تۆڕی هەواڵی (سكای نیوز)، دوابەدوای كوژرانی جۆرج فلۆید هاووڵاتیی ئەمریكی لەلایەن پۆلیسەوە، چەندین خۆپیشاندان و تاڵانكاریی گەورە وڵاتەكەی گرتەوە، لە ناویشیاندا چەند كۆگایەكی ئەپڵ تاڵان كران و خۆپیشاندەران ئامێرەكانی ئایفۆنیان دزی.


بەڵام ئەوەی خۆپیشاندەرەكان چاوەڕوانیان نەدەكرد، هەنگاوێكی كۆمپانیای ئەپڵ بوو بە لەكارخستنی سەرجەم مۆبایلە دزراوەكان، لە بری ئەوەش لەسەر شاشەكانی ئایفۆنەكاندا پەیامێكی بەجێهێشتووە و لەسەر نووسراوە "تكایە بمگەڕێنەوە كۆگاكەی خۆم، چونكە لەكار خراوم و شوێنەكەشم زاندراوە، هێزەكانی پۆلیست لێ ئاگادار دەكەمەوە".


ئەمەش لە كاتێكدایە ئەپڵ زۆربەی كۆگاكانی خۆی لە ئەمریكا بە شێوەیەكی كاتی تا رۆژی یەكشەممەی داهاتوو داخست.