كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

شاره‌وانیی گه‌رمیان ڕوونكردنه‌وه‌یه‌ك بڵاو ده‌كاته‌وه‌

 

به‌ڕێوه‌به‌رایه‌تیی گشتیی شاره‌وانییه‌كانى گه‌رمیان، ڕوونكردنه‌وه‌یه‌كى له‌باره‌ى كۆبوونه‌وه‌ى خۆڵ و خاشاک له‌ زۆربه‌ی كۆڵان و شوێنه گشتییه‌كانی سنووری شاره‌وانییه‌كانی گه‌رمیان بڵاو كرده‌وه‌.

ئه‌مڕۆ دووشه‌ممه‌ 1/6/2020، په‌یجى فه‌رمیی ئیداره‌ى گه‌رمیان، له‌ تۆڕى كۆمه‌ڵایه‌تیی (فه‌یسبووك)، ڕوونكردنه‌وه‌یه‌كى به‌ڕێوه‌به‌رایه‌تیی گشتیی شاره‌وانییه‌كانى گه‌رمیانى بڵاو كردووه‌ته‌‌وه‌، تێیدا هاتووه‌: "ماوه‌ی دوو ڕۆژه‌ خۆڵ و خاشاک له‌ زۆربه‌ی كۆڵان و شوێنه گشتییه‌كانی سنووری شاره‌وانییه‌كانی گه‌رمیان كۆ بووه‌ته‌وه‌".

باس له‌وه‌ش كراوه‌: "له‌ سبه‌ینێوه‌ پشت به‌خوا مووچه‌ی چه‌ند مانگێك بۆ پاكه‌وانه‌كان خه‌رج ده‌كرێت و شار خاوێن ده‌كرێته‌وه‌ و وه‌ك جاران تیمه‌كانی كۆمپانیای سه‌گرمه‌ ده‌ست به‌كار ده‌بنه‌وه‌".