حەوت کەسی دیکە لە کەرکووک تووشی پەتای کۆرۆنا بوون
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

حەوت کەسی دیکە لە کەرکووک تووشی پەتای کۆرۆنا بوون

لە كەركووك حاڵەتەكانی توشبوون بە پەتای كۆرۆنا لە هەڵكشاندایە، بەڕێوەبەری بەشی نەخۆشییە گواستراوەكان لە فەرمانگەی تەندروستیی كەركووك ڕای دەگەیەنێت، لە كەركووك حەوت حاڵەتی دیكەی پەتای كۆرۆنا تۆمار كراون.

د. مونزیز نوعمان، بەڕێوەبەری بەشی نەخۆشییە گواستراوەكان لە فەرمانگەی تەندروستیی كەركووك، بە (باسنیوز)ی ڕاگەیاند: "شەوی ڕابردوو 31/5/2020، حەوت كەسی دیكە لە شاری كەركووك تووشی پەتای كۆرۆنا بوون و هاوكات یەك كەسی توشبوو بە كۆرۆنا چاك بووەتەوە".

گوتیشی: "كۆی توشبووانی پەتای كۆرۆنا لە كەركووك تا ئێستا گەیشتووەتە 86 كەس لەناویاندا ئێستا 13 كەسیان لە نەخۆشخانەن و لەژێر چاودێری پزیشكدان و سێ كەسی دیكەیان بەهۆی هەمان پەتاوە گیانیان لەدەست داوە و ئەوانی دیكەش سەرجەمیان چاك بوونەتەوە و نەخۆشخانەیان بەجێ هێشتووە".