هەموو جۆرەکانی پیاز دەوڵەمەندن بە مەوادی جۆرواجۆر و بەسوودی خۆراکی.
پیازی سوور یەکێک لە جۆرەکانی پیازە، کە زیاتر بە شێوەی کاڵ لەگەڵ خواردنەکان دەخورێت.
بەگوێرەی زانیارییەکان، ئەو کەسانەی زۆر گۆشت دەخۆن، پێویستە لەگەڵ خواردنی گۆشت سوود لە پیازی سووریش وەربگرن، چونکە پیازی سوور کاریگەریی لەسەر ئاسان هەرسبوونی گۆشت هەیە، زیانەکانی خواردنی گۆشت کەم دەکاتەوە و پارێزگاری لە ریخۆڵە دەکات، لە ئەگەری دروستبوونی بەکتریا زیانبەخشەکان و کرمەکانی ریخۆڵە، کە لە ئەنجامی زۆر خواردنی گۆشت، مرۆڤ تووشی دەبێت.