درهنگه ئێڤاریا ئهڤرۆ رۆژا ئهینى گهنجهك ل دهمێ گرتنا وێنهیان ل سهر لێڤێن ئاڤا بهنداڤا دهۆكێدا، ژ نشكهكێ ڤه د خهندقیت و گیانێ خو ژ دهست دایه و تهرمێ وى ژلایێ تیمێن نقومڤان ڤه هاتیه دهرئێخستن.
بێوار عهبدولعهزیز پهیڤدارێ بهرهڤانیا باژێرى ل دهۆكێ بو (باسنیوز) دا دیاركرن: درهنگه ئێڤاریا ئهڤرۆ ل دهوروبهرێن دهمژمێر(5:00) ئێڤارى، گهنجهك كو دژیێ دهووبهرێن (15 بو 20) سالیێ دا بویه ل دهمێ قهستا بهنداڤا دهۆكێ كرى و دهست ب گرتنا وێنهیان كرى، ژ نشكهكێ ڤه دكهڤیته ناڤا ئاڤا بهنداڤا دهۆكێ و د خهندقیت و گیانێ خو ژ دهست ددهت.
پهیڤدارێ بهرهڤانیا باژێرى ل دهۆكێ بو (باسنیوز) ئهو چهنده ژى دوپاتكر: ئهو گهنجه دگهل كومهكا ههڤالان هاتبو سهر بهنداڤا دهۆكێ دا و ل دهمێ گرتنا وێنهیان ژ نشكهكێ ڤه دكهڤیته ناڤا ئاڤا بهنداڤێ دا و ههر بلهز تیمێن مه گههشتنه جهێ رویدانێ و شیان پشتى بورینا (1) دهمژمێر تهرمێ وى ژ بهنداڤا دهۆكێ دهربێخن و رهوانهى نوژداریا داد بكهن.
ناڤبرى گوت ژى: وهكه شاهدحالان دوپات كرى كو ئهو گهنجه ل دهمێ گرتنا وێنهیان كهفتیه ناڤا ئاڤا بهنداڤێ دا لێ ڤهكولینا مه دێ لدور رویدانێ بهردهوام بیت ژ بو زانینا ئهگهرێ دروست یێ دروستبونا رویدانێ.
ژلایهكێ دیتر ڤه ، پهیڤدارێ بهرهڤانیا باژێرى ل دهۆكێ ئهو چهنده ژى نهڤهشارت: ههر پشتى نیڤرۆ یا ئهڤرۆ رۆژا ئهینى ، ل بهنداڤا دهۆكێ گهنجهكێ د ژیێ (20) سالیێ دا بویه و خهلكێ (فههیدیێ) بویه ل دهوروبهرێن دهۆكێ، دهما مهلهڤانى ل ناڤا ئاڤا بهنداڤا مووسل ل سنورێ پارێزگهها دهۆكێ دا ئهنجام داى ژ نشكهكێ ڤه د خهندقیت و پهیوهندى ب تیمێن مه هاتیه كرن لێ تا كو تیم گههشتینه جهێ رویدانێ كهسێن ل جهێ رویدانێ بهرههڤ شیانه تهرمێ وى ژ ئاڤێ دهربێخن بو نوژداریا داد هاتیه رهوانهكرن و هیڤیخوازین كو وهرزێ گهرمێ یه ، ههر جههكێ مهترسى ل سهر ههبیت و خهلكى شارهزاى ل جهێن ئاڤێ نهبیت مهلهڤانیان لێ ئهنجام نهدهن تا كو مهترسى ل سهر ژیانا وان دروست نهبیت.