بەڕێوەبەری تویتەر بە نیازە دەستبەرداری سامانەكەی بێت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

بەڕێوەبەری تویتەر بە نیازە دەستبەرداری سامانەكەی بێت

جاك دورسی بەڕێوەبەری جێبەجیكاری كۆمپانیای تۆڕی كۆمەڵایەتیی تویتەر بە نیازە دەستبەرداری تەواوی سامانەكەی بێت و بیبەخشێت.


لە میانەی بەشداربوونی لە بەرنامەی "یانگ سبیكس لەسەر تۆڕی كۆمەڵایەتی یوتوب" گەورە ملیاردێری ئەمریكی جاك دورسی گوتی دەمێكە بیری لەوە كردووەتەوە كە ئەو سامانەی كە پەیدای كردووە، بیداتە كاری خێرخوازی.


ئەو ملیاردێرە ئەمریكییە گوتی كاتێك لە جیهاندا كەسێك ئازارێك دەچێژێ، پێویستە ئەویش ئەم ئازارە بكێشێ.

جاك دورسی یەكێكە لەو ملیاردێرانەی جیهان كە پێشتر بەشێكی زۆر لە سامانەكەی بەخشیوە بە كاری خێرخوازی و لە سەرەتای مانگی ئەپریلیشدا هەر ئەو ملیادێرە نزیكەی یەك ملیار دۆلاری بەخشیە سندوقی بەرەنگاربوونەوەی كۆرۆنا لە جیهاندا.


جاك دورسی ئێستا تەمەنی 43 ساڵە و خاوەنی ماڵپەری تویتەر و كۆمپانیای سكویرە، بە پێی دوایین ئاماری گۆڤاری فۆربێسی ئەمریكی، سامانەكەی گەیشتووەتە 4.9 ملیار دۆلار.