وه‌زاره‌تى ناوخۆ ئاگادارییه‌كى بۆ سه‌رجه‌م هاووڵاتییان بڵاو كرده‌وه‌
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

وه‌زاره‌تى ناوخۆ ئاگادارییه‌كى بۆ سه‌رجه‌م هاووڵاتییان بڵاو كرده‌وه‌

 


وه‌زاره‌تى ناوخۆى حكوومه‌تى هه‌رێمى كوردستان، ئاگادارییه‌كى له‌باره‌ى سیستەمی ڕێگەپێدانی ئەلیکترۆنی بڵاو كرده‌وه‌.

ئه‌مڕۆ چوارشه‌ممه‌ 27/5/2020، وه‌زاره‌تى ناوخۆ ئاگادارییه‌كى له‌ په‌یجى فه‌رمیی خۆى، له‌ تۆڕى كۆمه‌ڵایه‌تیی (فه‌یسبووك) بڵاو كرده‌وه‌، تێیدا هاتووه‌: "ئاگاداری هاووڵاتییان دەکەینەوە، ئێستا سیستەمی ڕێگەپێدانی ئەلیکترۆنی کەوتەوە کار".

له‌باره‌ى ڕێنوێنییه‌كانى پڕكردنه‌وه‌ى فۆرم، وه‌زاره‌تى ناوخۆ ئاماژه‌ى به‌وه‌ داوه‌: "داواكاریى ڕێگه‌پێدانی پێویسته‌ له‌ حاڵه‌تى زۆر پێویست بێت، هه‌روه‌ها پێویسته‌ شوفێر و سه‌رنشینان ده‌مامك و په‌نجه‌وانه‌ به‌كار بهێنن له‌ كاتى گه‌شتكردن به‌ پێچه‌وانه‌وه‌ ڕێگایان پێ نادرێت، ده‌بێت زانیارییه‌كانى داواكراو به‌ دروستى پڕ بكرێنه‌وه‌ و هه‌ر جیاوازییه‌ك هه‌بێت له‌ زانیارییه‌كان ڕێگه‌پێدانه‌كه‌ به‌ هه‌ڵوه‌شاوه‌ ئه‌ژمار ده‌كرێت، ئه‌م ڕێگه‌پێدانه‌ ئاڵوگورى هێزه‌ ئه‌منییه‌كان ناگرێته‌وه‌ كه‌ به‌ ڕێنمایى و ڕێكارى تایبه‌ت ئاڵوگۆریان پێ ده‌كرێت، كاتژمیری کارابوونی رێگەپێدان لە گەیشتنی ئیمه‌یلی ڕەزامەندی دەست پێدەکات".

 

لینكى سیسته‌مى ڕێگه‌پێدانى ئه‌لیكترۆنى
https://moi.gov.krd/tregapidan/