كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

ل شێخان گەنجەكێ‌ ئاوارە خەندقی

د رۆژا دووێ‌ یا جەژنا رەمەزانا پیرۆز دا ل سنورێ‌ قەزا شێخان سەر ب پارێزگەها دهۆكێ‌ ڤە، گەنجەكێ‌ ئاوارە د رویبارەكێ‌ وێ‌ دەڤەرێ‌ دا د خەندقیت د هەتا نوكە تەرمێ‌ وی نەهاتیە دیتن.

موقەدەم بێوار عەبدولعەزیز، پەیڤدارێ‌ بەرەڤانیا باژێری ل دهۆكێ‌ ب رێكا (باسنیوز) دیار كر: "درەنگە ئێڤاریا رۆژا دووشەمبی 25/5/2020 د دووەم رۆژا جەژنا رەمەزانا پیرۆز دا گەنجەك د ئاڤا رویبارێ‌(خازر)ی، دا خەندقی یە و تا نوكە تەرمێ‌ وی نەهاتیە دیتن.

پەیڤدارێ‌ بەرەڤانیا باژێری بو (باسنیوز) ئەو چەندە ژی دوپات كر: "ئەو گەنجە ب ناڤێ‌(ئەحمەد محسن)ە، د ژیێ‌ (20) سالیێ‌ دا یە و ئاوارە یە و ل سنورێ‌ پارێزگەها دهۆكێ‌ ژیانا خو دەرباز دكەت".

ناڤبری تەكەز ل سەر وێ‌ چەندێ‌ ژی كر: "ئەو گەنجە ل كومەلگەها چرەی سنورێ‌ قەزا شێخان ل ئاڤا رویبارێ‌(خازر)ی، دا خەندقیت و هەر چەندە هەم تیمێن مە و هەم خەلكێ‌ وێ‌ دەڤەرێ‌ ژی دەست ب لێگەریانا تەرمی كریە لێ‌ تا نوكە تەرمێ‌ وی نەهاتیە دیتن لێ‌ د هەمان دەم دا دێ‌ تیمێن مە بەردەوام كارێ‌ لێگەریانێ‌ كەن تا كو  بشێن تەرمێ‌ وی گەنجی د ئاڤا خازری دا بینین دەر و رادەستی كەس و كارێن وی بكەین".