پارێزگارێ دهۆكێ رونكرنه‌كێ به‌لاڤ دکەت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

پارێزگارێ دهۆكێ رونكرنه‌كێ به‌لاڤ دکەت

فه‌رهاد ئه‌مین پارێزگارێ دهۆكێ ، درەنگە ئێڤاریا ئەڤۆ روژا شەمبی كونگره‌یه‌كێ رۆژنامه‌ڤانى ئه‌نجام دا و چەندنین رونکرن دان دیارکرن.

 

فه‌رهاد ئه‌مین پارێزگارێ دهۆكێ د كونگره‌یێ رۆژنامه‌ڤانى دا باس ل وێ چه‌ندێ كر و گوت: "ئه‌ڤ قه‌ده‌غه‌یا هاتن و چوونێ ئانكو( ژیان و پاراستنا گیانێ خه‌لكێ مه‌یه‌) له‌ورا مه‌ وه‌كه‌ ژوورا ئوپه‌راسیونا پارێزگه‌ها دهۆكێ ب هه‌مو ره‌نگه‌كێ پابه‌ندى رێنمایانه‌ و مه‌ هه‌مى هێزێن ئێمناهیێ راسپاردینه‌ كو باشترین ره‌نگ قه‌ده‌غه‌یا هاتن و چوونێ بهێته‌ ئه‌نجام دان و گوت ژى: ساخله‌میا خه‌لكى بو مه‌ هه‌مى تشتى گرنگتره‌ و ئه‌م هایدارین ره‌وشا خه‌لكى یا خرابه‌، لێ ئه‌ڤ چه‌ند ده‌مژمێرێن قه‌ده‌غه‌یێ چ ژیانێ ناگوهرن و هه‌رده‌م ئه‌م سوپاسدارێن خه‌لكێ خوینه‌ چونكه‌ ئه‌گه‌ر خه‌لكێ مه‌ پێیگرى رێنمایان نه‌با ئه‌ڤ رێژا كێم یا توماركرنا كورۆنایێ ل دهۆكێ نه‌بو به‌لكو دا پتر بیت".

 

پارێگارێ دهۆكێ ئه‌و چه‌نده‌ ژى دا دیاركرن: "لدرو ھاتنا ھژمارەکا پاسەوانێن پەرلەمانێ عیراقێ بو ناڤا ئاخا پارێزگەھا دھۆکێ، ده‌ستپێكێ مه‌ حه‌ز نه‌دكر ئه‌ڤ پاسه‌وانێن په‌رله‌مانێ عیراقێ بهێنه‌ ناڤا پارێزگه‌ها دهۆكێ و مه‌ گه‌له‌ك هه‌ولدان كرن كو نه‌هێن لێ ژ به‌ر كو وان گه‌له‌ك داخاز كر چونكه‌ هه‌ر خه‌لكێ پارێزگەھا دهۆكێ نه‌ و پشتى هاتین ناڤا پارێزگه‌ها دهۆكێ تێست بو هاتینه‌ ئه‌نجام دان و دیار بویه‌ كو چەندین پاسەوان هه‌لگرێن ڤایرۆسێ كورۆنایێ نه‌ و گوت ژى: داخاز ژ وان پاسه‌وانان دكه‌م كو ئه‌وێن ده‌وامێ ل په‌رله‌مانێ عیراقێ دكه‌ن زور پێگیرى رێنماین بن چونكه‌ نها دا رێژا كورۆنایێ ل به‌غدا رێژه‌یه‌كا زور گرتیه‌ و ره‌وشا نه‌باشه‌ ل وێ ده‌ڤه‌رى".

 

فه‌رهاد ئه‌مین ئه‌و چه‌نده‌ ژى نه‌ڤه‌شارت: "ئه‌م وه‌كه‌ پارێزگه‌ها دهۆكێ ب هه‌مو ره‌نگه‌كێ پابه‌ندى رینمایێن حكومه‌تا هه‌رێما كوردستانێ نه‌ و ژ خه‌لكێ خو ژى دخازین وه‌ك چه‌وا به‌رى نها پابه‌ندى رێنمایان بوینه‌ نها دا ژى پابه‌ند بن تا كو جاره‌ك دى ئه‌ڤ نه‌خوشیه‌ ل سه‌ر پارێزگه‌ها مه‌ دا نه‌مینیت".

 

ھەژی دیار کرنێ یە، بو دەما پتر ژ (٢٥) روژان چ حالەتێن کورۆنایێ ل دھۆکێ نەھاتبونە تومارکرن لێ بو دەما(٢٤) دەمژمێرانە(٧) حالەتێن نوی ل دھۆکێ ھاتنە تومارکرن کو ھەمو پاسەوانن ل پەرلەمانێ عیراقێ و ل بەغدا ڤەگەریانە دھۆکێ و ئەڤە د دەمەکێ دا یە دوھی روژا ئەینی (٢) حالەتێن دیتر ژی ھاتنە راگەھاندن و سەرجەمێ گشتی دا (٢٦) حالەت ل دھۆکێ ھاتنە تومارکرن کو کەسەک خوجھێ ھەولێرێ یە و (١٩) کەس پشتی وەرگرتنا چارەسەریێ قەستا ناڤا خێزانێن خو کرینە و ھەمو ئەو کەسێن دیتر ل نەخۆشخانا تایبەت ب کورۆنایێ ڤە چارەسەریێ وەردگرن.