لە ٢٤ کاتژمێری ڕابردوودا ٣٠٨ حاڵەتی تووشبوون بە کۆرۆنا لە عێراق تۆمار کراوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

لە ٢٤ کاتژمێری ڕابردوودا ٣٠٨ حاڵەتی تووشبوون بە کۆرۆنا لە عێراق تۆمار کراوە

تاوەکو ئێستا ١٥٢ کەس لە عێراق بە هۆی کۆرۆناوە گیانیان لەدەست داوە

وەزارەتی تەندروستیی حکوومەتی عێراق ڕایگەیاند کە لە ٢٤ کاتژمێری رابردوودا لە سەرتاسەری عێراق ٣٠٨ حاڵەتی تووشبوون بە ڤایرۆسی کۆرۆنا تۆمار کراوە و پێنج کەسیش بەو هۆیەوە گیانیان لەدەست داوە.

 

لە راگەیەندراوێکدا وەزارەتەکە ئاشکرای کردووە کە لە ماوەی ٢٤ کاتژمێری رابردوودا ( ٦٣٥٢) پکشنینی تایبەت بە ڤایرۆسی کۆرۆنا لە سەرتاسەری عێراق ئەنجام دراوە و کۆی گشتی ئەو کەسانەی کە لە سەرەتای بڵاوبوونەوەی کۆرۆنا تاوەکو ئێستا پشکنینی ڤایرۆسەکەیان بۆ ئەنجام دراوە (١٨٢١٨٢) کەسن.

 

وەزارەتی تەندروستیی عێراق راشیگەیاندووە کە لە ٢٤ کاتژمێری رابردوودا ٣٠٨ حاڵەتی تازەی تووشبوون بە کۆرۆنا لە سەرجەم پارێزگاکانی عێراق تۆمار کراون.

 

بەپێی راگەیەندراوەکەدا لە ماوەی ئەو ٢٤ کاتژمێرەدا ٥٣ تووشبووی کۆرۆنا لە عێراق چاک بوونەتەوە هەروەها پێنج حاڵەتی مردن بە هۆی کۆرۆنا تۆمار کراوە، کۆی گشتی تووشبووانی ڤایرۆسەکەش گەیشتووەتە ٤٢٧٢ کەس و لەو ژمارەیەش ٢٥٨٥ کەسیان چاک بوونەتەوە و ١٥٢ کەسیشیان گیانیان لەدەست داوە.