وەزارەتی ناوخۆ ڕێنمایی چۆنیەتی جێبەجێکردنی بڕیاری قەدەغەی هاتوچۆ لە ڕۆژانی جەژن بڵاودەکاتەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

وەزارەتی ناوخۆ ڕێنمایی چۆنیەتی جێبەجێکردنی بڕیاری قەدەغەی هاتوچۆ لە ڕۆژانی جەژن بڵاودەکاتەوە

لە راگەیەندراوێکدا وەزارەتی ناوخۆی حکوومەتی هەرێمی کوردستان ئاشکرای کرد لە ڕۆژانی دووەم و سێیەمی جەژن رێگای هاتوچۆ بە کەسانێک دەدرێت کە بە چەند خاڵێک ئاماژەی پێدراوە.

لە ڕاگەیەندراوەکەدا ئەوە خراوەتە ڕوو کە لە ڕۆژی یەکەمی جەژن قەدەغەی تەواوەتی پیادە و ئۆتۆمبێل جێبەجێ دەکرێت و لە ڕۆژانی دووەم و سێیەمی جەژن نانەواخانە و سەمونخانەکان دەکرێنەوە و رێگەش بە هاتوچۆ جووتیاران دەدرێت بەمەبەستی دروێنەی دەغڵودان.

ئاماژە بە ئەوەش دراوە کە رێگا بە میدیاکاران و تیمەکانی کۆمپانیاکانی پەیوەندی دەدرێت هەروەها عەلوەکان لە ڕۆژی دووەمەوە دەکرێنەوە و رێگە بەو ئۆتۆمبێلانە دەدرێت کە سەوزە و میوە دەفرۆشن لە کۆڵان و شەقامەکان بسوڕێنەوە.