ل سنورێ دهۆكێ 7 كه‌س بونه‌ قوربانى رویدانه‌كا هاتن و چوونێ
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ل سنورێ دهۆكێ 7 كه‌س بونه‌ قوربانى رویدانه‌كا هاتن و چوونێ

سپێده‌هیا ئه‌ڤرۆ شه‌مبى، به‌ریا كو تیرۆژكێن رۆژێ ب هه‌لێن، گه‌نجه‌ك ژ ئه‌گه‌رێ رویدانه‌كا هاتن  وچوونێ گیانێ خو ژ ده‌ست دا و د هه‌مان ده‌م دا (6) كه‌سێن دیتر ژى بریندار بوون.

موقەدم ئازاد تەها، په‌یڤدارێ رێڤه‌به‌ریا هاتن و چوونا پارێزگه‌ها دهۆكێ د په‌یجێ خو یێ فه‌رمى دا به‌لاڤ كریه‌ و گوتى یه‌: دەمژمێر 4ـی سپێدەهیا ئه‌ڤرۆ رۆژا شه‌مبى،رێكه‌فتى 23/5/2020، ل ناحیا (باتیفا) ل سنورێ قه‌زا زاخو ل نێزیكى نه‌خوشخانا باتفیا ژ ئه‌گه‌رێ دروستبونا رویدانه‌كا هاتن و چوونێ، (7) كه‌س د بنه‌ قوربانى، كو گه‌نجه‌ك گیانێ خو ژ ده‌ست دایه‌ و د هه‌مان ده‌م دا ل رویدانا ناڤبرى دا (6) كه‌سێن دیتر ژى بریندار بوونه‌.

په‌یڤدارێ هاتن و چوونا پارێزگه‌ها دهۆكێ دوپاتى ل وێ چه‌ندێ ژى كریه‌: رویدان ب وى ره‌نگى بویه‌ كو ترۆمبێله‌كا تایبه‌ ت ژ جورێ(رینو) ب ره‌نگێ (سپى) ل بن كونترولا شوفێرى ده‌ركه‌فتیه‌ و دویڤ دا (وه‌رگه‌ریایه‌) و د ئه‌نجامێ رویدانا ناڤبرى دا (7) كه‌س بونه‌ قوربانى ئه‌وێ رویدانێ.