پارێزەرێكی كورد لە زیندانییەكی توركیا مانی لە خواردن گرتووە و لە مردن نزیك بووەتەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

پارێزەرێكی كورد لە زیندانییەكی توركیا مانی لە خواردن گرتووە و لە مردن نزیك بووەتەوە

كێشی دابەزیوە و هیچ ئەندامێكی جەستەی وەكو پێویست كار ناكات

پارێزەرێكی كورد، لەناو یەكێك لە زینداییەكانی توركیادا مانی لە خواردن گرتووە تا مردن، پارێزەرەكەشی داوای لە وەزارەتی دادی توركیا كردووە، دەتوانن ژیانی ئەو پارێزەرە رزگار بكەن و با ئازاد بكرێت، بەڵام وەزارەتی داد هیچ وەڵامێكی ئەرێنی نەبووە.

ئیبرۆ تیمتیك، ئەو پارێزەرەی بە تۆمەتی ئەوەی سەر بە پارتی كرێكارانی كوردستان پەكەكەپە، لە لایەن حكوومەتەوە دەستگیر كرا و سزای ١٣ ساڵ زیندانی بەسەردا سەپێنرا، ئێستا ژیانی لە مەترسیدایە و مانی لە خواردن گرتووە تا مردن.

رۆژنامەی (جومهوریەت)ی توركی بڵاوی كردووەتەوە، پارێزەری تایبەتی ئیبڕۆ، داوایەكی ئاڕاستەی وەزارەتی داد كردووە و دەڵێت پێویستە ئیبرۆ ئازاد بكرێت، چونكە مانی لە خوادرن گرتووە و لە مردن نزیك بووەتەوە.

بە گوێرەی زانیارییەكانی پارێزەری ئیبڕۆ و رۆژنامەی (جومهوریەت)، بەهۆی مانگرتن لە خواردن، ئیبڕۆ كێشی زۆر دابەزیوە و هیچ ئەندامێكی جەستەشی بە باشی كار ناكات، بۆیە ئەگەر ئازاد نەكرێت و چارەسەری پزیشكی وەرنەكرێت، ژیانی لە مەترسییە.

رۆژنامەی ناوبراو ئاماژەی داوە، بەیانی زۆر درەنگە بۆ ئازادكردنی ئیبڕۆ، چونكە بچووكترین نەخۆشی تووش بێت ناتوانێت نەخۆشییەكە تێپەڕێنێت، هۆكارەكەشی روونە مانی لە خوادرن گرتووە تا مردن.

تاوەكو ئێستا لە لایەن وەزارەتی دادی توركیاوە هیچ وەڵامێكی ئەرێنی نەبووە بۆ ئازادكردنی ئیبرۆ، بەڵام لە سۆسیال میدیا فشارێكی زۆر لەسەر حكوومەت دەكرێت بۆ ئازادكردنی.