بنكەی نێودەوڵەتی فەلەكناسی یەكەم ڕۆژی جەژنی رەمەزانی راگەیاند
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

بنكەی نێودەوڵەتی فەلەكناسی یەكەم ڕۆژی جەژنی رەمەزانی راگەیاند


ئێوارەی ئەمڕۆ دووشەممە بنكەی نێودەوڵەتیی فەلەكناسی رایگەیاند پێشبینی دەكەن رۆژی یەكشەممەی داهاتوو كە دەكاتە 24ی مانگ، یەكەم ڕۆژی جەژنی رەمەزانی ئەمساڵ بێت.


بنكە نێودەوڵەتییەكە ئاماژەی بەوە داوە كە زۆربەی وڵاتانی ئیسلامی رۆژی هەینی 24ی نیسانی رابردوویان كردە یەكەم رۆژی مانگی رەمەزان، رۆژی هەینیی داهاتووش دەكاتە 29یەمین رۆژی مانگی رەمەزان لە زۆربەی وڵاتانی ئیسلامی، پێشبینی دەكرێ ئەم رەمەزانە ببێتە 30 رۆژ، بەم شێوەیە رۆژی یەكشەممە دەبێتە یەكەم رۆژی جەژنی رەمەزان.


بنكەكە دووپاتی كردووەتەوە كە بە هۆی ئاوابوونی مانگ بەر لە رۆژ، ئەستەمە بتواندرێ ئێوارەی هەینی مانگ لە ئاسماندا ببیندرێ، بۆیە جەژن دەكەوێتە رۆژی یەكشەممەوە.


هەروەها پێشبینی كردووە لە هەندێك لە وڵاتانی ئیسلامی رۆژی دووشەممە بكرێتە یەكەم رۆژی جەژنی رەمەزان.