توركیا بەتەمایە لە ئەیلوولدا فێستیڤاڵێكی گەورە لەسەر چیای جوودی ساز بکات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

توركیا بەتەمایە لە ئەیلوولدا فێستیڤاڵێكی گەورە لەسەر چیای جوودی ساز بکات

بە گوێرەی زانیاری یەكێك لە رۆژنامەنووسەكانی سەر بە ئاكەپە، وەزیری ناوخۆی توركیا پلانی داناوە لە مانگی ئەیلوولی ئەمساڵدا لەسەر چیای جوودیی كوردان، فێستیڤاڵێكی گەورە بەڕێوە ببەن و بەمەش دەیانەوێت بە دونیا بڵێن كەشتییەكەی نووح لە خاكی توركیا گیرساوەتەوە.

عەبدولقادر سەلفی، رۆژنامەنووسی زۆر نزیك لە ئاكەپە، لە وتارێكدا كە ئەمڕۆ دووشەممە ١٨ی ٥ی ٢٠٢٠ لە رۆژنامەی (حوریەت)ی توركی بڵاوی كردووەتەوە، قسەی لەگەڵ سولەیمان سویلو وەزیری ناوخۆی توركیا توركیا كردووە  ئەویش پێی گوتووە ئەمساڵ جودی زیندوو دەكەینەوە.

سەلفی لە وتارەكەیدا دەنووسێت: "سویلو پێی گوتم، شوێنێك هەیە كە كەشتییەكەی حەزرەتی نووحی تێیدا گیرساوەتەوە، هەموو ساڵێك خەڵك دەچێت لەو شوێنە نوێژ و دوعا دەكات، بۆیە ئەمسا لە مانگی ئەیلوولدا فێستیڤاڵێكی گەورەی تێدا ساز دەکەین".

باسی لەوەش كردووە: "دەیانەوێت كارێك بكەن چیای ئاگری بەڕووی خەڵكدا بكەنەوە و بە پیادە پێدا بڕۆن و بەشێك بێت لە فێستیڤاڵەكە، بەڵام بۆ ئەمەیان دەبێت شوێنەكە لە پەكەكە پاك بكەنەوە، بۆیە كاتی دەوێت".

حكوومەتی توركیا دەیەوێت بەو كارەی وا بكات، بە دونیا بڵێت كەشتییەكەی نووح لە خاكی توركیا گیرساوەتەوە و لەوێوە ژیان دووبارە دەستی پێ كردووەتەوە. لە كاتێكدا كەشتییەكەی نووح لە چیای جوودی گیرساوەتەوە و ئەو شوێنەش بەڵگە مێژووییەکان پێمان دەڵێن خاكی كوردانە نەك تورك.

ئەوان دەیانەوێت مێژوو بشێوێنن و فێستیڤاڵی ساڵانە لە خاكی كوردان ساز بكەن و رەنگی فێستیڤاڵ و جۆری فێستیڤاڵەكەش بکەنە توركی.

شاخی جوودی سەر بە شاری شێرناخی باکووری کوردستانە و شاخێکی درێژە و بەرزترین لووتکەی شاخەکە 2089 مەتر لە ئاستی دەریاوە بەرزە.