هێڵی ئاسمانیی توركش ئایرلاین ڕۆژانە11 ملیۆن دۆلار زیانی پێ دەگات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

هێڵی ئاسمانیی توركش ئایرلاین ڕۆژانە11 ملیۆن دۆلار زیانی پێ دەگات

بەهۆی كەمبوونەوەی گەشتەكانی هێڵی ئاسمانیی توركش ئایرلاین، ئەو كۆمپانیایە رۆژانە 11 ملیۆن دۆلار زیانی پێ دەگات، هەورها بۆ پڕكردنەوەی ئەو زیانەی بەر كۆمپانیاكە دەكەوێت، پلان دانراوە لە ٢٠٢١دا زیانەكانیان قەرەبوو بكەنەوە.

كۆمپانیای (VTB) بۆ كاری وەبەرهێنان، لە راپۆرتێكدا لەبارەی هێڵی ئاسمانیی توركش ئایرلاین، ئاشكرای دەكات ئەو كۆمپانیایە بەهۆی بڵابوونەوەی ڤایرۆسی كۆرۆنا، رێژەی گەشتەكانی ٤٨٪ كەمی كردووە و ئەو كەمبوونەوەیەش زیانی زۆری ئابووریی لە كۆمپانیاكە داوە.

بە گوێرەی زانیارییەكانی راپۆرتی (VTB)، هێڵی ئاسمانیی توركش ئایرلاین بەهۆی كەمبوونەوەی گەشتەكانی بە جیهاندا، رۆژانە ١١ ملیۆن دۆلار زیانی پێ دەگات.

هەر لە راپۆرتی هەمان كۆمپانیادا هاتووە، هێڵی ئاسمانیی توركش ئایرلاین پلانی هەیە لە ٢٠٢١ گەشتەكانی بۆ جیهان زیاد بكات و بەمەش قەرەبووی ئەو زیانە ئابوورییەی بكاتەوە كە لە٢٠٢٠ و لە سەردەمی كۆرۆنادا تووشی بووە.