بەڕێوەبەری كشتوكاڵی سۆران: زیاتر لە 300 دۆنم زەوی بە تەماتە و خەیار داچێندراوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

بەڕێوەبەری كشتوكاڵی سۆران: زیاتر لە 300 دۆنم زەوی بە تەماتە و خەیار داچێندراوە

بەڕێوەبەری كشتوكاڵی سۆران، رای دەگەیەنێت ئەمساڵ جووتیارانی سنوورەكەمان زیاتر لە 300 دۆنم زەویوزاریان بە دوو بەرهەمی تەماتە و خەیار داچاندووە.

حەكیم عەبدولڵا، بەڕێوەبەری كشتوكاڵی سۆران، بە (باسنیوز)ی راگەیاند: "لە سنووری بەڕێوەبەرایەتییەكەمان رووبەرێكی زۆری زەویی كشتوكاڵی هەیە، بەتایبەتیش ناوچە كوێستانییەكان بۆ بەرهەمهێنانی تەماتە و خەیاری خۆمانە و جۆرەها سەوزەی دیكە لەبارن و ساڵانە جووتیارانی سنوورەكەمان بەربوومی زۆری كشتوكاڵی لەم ناوچانە بەرهەم دەهێنن و هەناردەی بازاڕەكانی كوردستانی دەكەن".

بەڕێوەبەری كشتوكاڵی سۆران، گوتیشی: "بەپێی بەدواداچوونەكانمان ئەمساڵ جووتیارانی سنوورەكەمان زیاتر لە 300 دۆنم زەویی كشتوكاڵییان بە تەماتە و خەیار داچاندووە، بەتایبەتیش بەرهەمهێنانی تەماتە لە سنوورەكەمان سەركەوتووە و جووتیاران زۆر رووی تێ دەكەن".