تەندروستی جیهانی: كۆرۆنا كۆتایی نەهاتووە بۆیە جارێ وەختی ئاهەنگ نییە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

تەندروستی جیهانی: كۆرۆنا كۆتایی نەهاتووە بۆیە جارێ وەختی ئاهەنگ نییە


ئەمڕۆ یەكشەممە بەرپرسێكی ڕێكخراوی تەندروستیی جیهانی رایگەیاند وەختی ئاهەنگێڕان نییە، چونكە هێشتا پەتای ڤایرۆسی كۆرۆنا كۆتایی نەهاتووە.


هانز كلوگ بەڕێوەبەری هەرێمیی رێكخراوی تەندروستیی جیهانی لە دیمانەیەكیدا لەگەڵ رۆژنامەی "تەلیگراف"ی بەریتانی گوتی جارێ پێویستە وڵاتان گرنگی بە ڕێكارەكانی بەرەنگاربوونەوەی كۆرۆنا بدەن، نەك ئاهەنگێران بە بۆنەی كۆتاییهاتنی كۆرۆنا.


ئەم بەڕێوەبەرەی ڕێكخراوی تەندروستیی جیهانی ئاماژەی بەوە داوە كە كەمبوونەوەی ژمارەی تووشبووانی پەتای ڤایرۆسی كۆرۆنا لە وڵاتانی بەڕیتانیا، فەرەنسا و ئیتاڵیا مانای ئەوە نییە كە پەتاكە لە لەناوچوون نزیك بووەتەوە، بەڵكو ڤایرۆسەكە حەشارگەكەی گواستووەتەوە بۆ بەشی ڕۆژهەڵاتی ئەورووپا، وەكو وڵاتانی ڕووسیا و ئۆكراینا.


هەر لەو دیمانەیەدا كلوگ سەرسامی خۆی بە چەند وڵاتێكی وەكو سەنگافورا و ژاپۆن دەڕبڕیوە، چونكە ئەوان زوو تێگەیشتن كە پەتاكە كۆتایی نەهاتووە و لە ڕێكارەكانی خۆپاراستن بەردەوام بوون.