بانکی نێودەوڵەتی بڕی 33 ملیۆن دۆلار بۆ رووبەڕووبوونەوەی کۆرۆنا دەداتە عێراق
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

بانکی نێودەوڵەتی بڕی 33 ملیۆن دۆلار بۆ رووبەڕووبوونەوەی کۆرۆنا دەداتە عێراق

بۆ رووبەڕووبوونەوەی پەتای کۆرۆنا، بانکی نێودەوڵەتی بە بڕی زیاتر لە 33 ملیۆن دۆلار هاوکاریی عێراق دەکات.

ئەمڕۆ چوارشەممە 13-5-2020، بانکی نێودەوڵەتی لە بەیاننامەیەکدا رایگەیاندووە، رەزامەندیی لەسەر پێدانی بڕی 33 ملیۆن و 600 هەزار دۆلار بە عێراق لە چوارچێوەی پرۆژە فریاگوزارییەکان، داوە.

پارەکەی بانکی نێودەوڵەتی بە دوو قۆناغ دەدرێتە عێراق:

- قۆناغی یەکەم

بە بەهای حەوت ملیۆن و 800 هەزار دۆلار ئامێر و کەلوپەلی پزیشکی دەنێردرێتە عێراق

- قۆناغی دووەم

بە بەهای 25 ملیۆن 800 هەزار دۆلار ئامێر و کەلوپەلی پزیشکی دەنێردرێتە عێراق

ئەو پارەیەی بانکی نێودەوڵەتی بۆ عێراق تەرخانی کردووە، راهێنان بە کارمەندە تەندروستییەکانیش دەگرێتەوە، کە لە هێڵی پێشەوەی رووبەڕووبوونەوەی پەتای کۆرۆنان.