كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

كازمی داوای یارمەتی ئابووری لە یەكێتیی ئەورووپا كرد

هەروەها بۆ ڕووبەڕووبوونەوەی داعش


ئەمڕۆ دووشەممە مستەفا كازمی سەرۆك وەزیرانی نوێی عێراق داوای لە یەكێتیی ئەورووپا كرد یارمەتی ئابووری و سەربازی حكوومەتەكەی بدەن، بە تایبەتی بۆ ڕووبەڕووبوونەوەی مەترسییەكانی ڕێكخراوی تیرۆریستیی داعش.


ئەمڕۆ كازمی لە میانی دیداریدا لەگەڵ باڵوێزانی وڵاتانی ئەورووپا لە بەغدا، رایگەیاند یەكێتیی ئەورووپا هاوڕێ و هاوبەشی عێراقە، ئومێدەوارن وڵاتانی یەكێتیی ئەورووپا درێژە بە یارمەتییەكانیان بدەن بۆ عێراق لە شەڕی داعشدا.


كازمی باسی دۆخی خراپی ئابووریی وڵاتەكەی كرد و بە باڵوێزەكانی گوتووە بە تایبەت لەم كاتەدا عێراق پێویستی بە یارمەتی ئابووری هەیە، ئەمەش بە هۆی دابەزینی نرخی نەوت و بڵاوبوونەوەی پەتای ڤایرۆسی كۆرۆنا.


سەرۆك وەزیرانی عێراق دووپاتی كردەوە كە پابەندە بە بەڵێنەكانی بۆ گەلی عێراق و ڕێزگرتن لە مافەكانی مرۆڤ، هەروەها مافی خۆپیشاندانی ئاشتیانە و پاراستنی خۆپێشاندەران، لێپرسینەوەش لەگەڵ تێوەگلاوان لە دەستدرێژیكردنە سەر خۆپیشاندەران.