گەشتوگوزاری سۆران: لە ڕۆژانی داهاتوودا شوێنە گەشتیارییەكان بەڕووی گەشتیاراندا دەكرێنەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

گەشتوگوزاری سۆران: لە ڕۆژانی داهاتوودا شوێنە گەشتیارییەكان بەڕووی گەشتیاراندا دەكرێنەوە

"تەنیا بۆ گەشتیارانی ناوخۆی هەرێمی کوردستانە"

بەڕێوەبەری گەشتوگوزاری سۆران ئاشكرای دەكات، ئامادەكاری كراوە بۆ ئەوەی لە چەند رۆژی داهاتوودا شوێنە گەشتیارییەكان بەڕووی گەشتیارانی هەرێمی كوردستاندا بكرێنەوە.

 بارزان محەمەد، بەڕێوەبەری گەشتوگوزاری سۆران، بە (باسنیوز)ی راگەیاند: "ئەمڕۆ دووشەممە 11-5-2020 یەكەم ڕۆژی دەواممان بوو وەك گەشتوگوزار، هەروەها لەبەرنامە دایە لە چەند رۆژەی داهاتوودا سەرجەم شوێنە گەشتیارییەكانی هەرێمی كوردستان بەڕووی هاووڵاتیان و گەشتیاراندا بكرێنەوە".

ئاماژەی بەوەش کرد: "ئێمەش سەرقاڵی ئامادەكارین بۆ كردنەوەی سەیرانگەكانی ناوچەكەمان، واتە كردنەوەی ئەم شوێنە گەشتیاریانە لە ئێستادا تەنها بۆ گاشتیارانی ناوخۆی هەرێمی كوردستانە".

بەڕێوەبەری گەشتوگوزاری سۆران، ئەوەشی ئاشكرا كرد: "تا ئێستا بۆ گەشتیارانی شارەكانی باشوور و ناوەڕاستی عێراق بڕیاری لێ نەدراوە و جارێ‌ رێگایان پێ نادرێت، ئەوەش لەپێناو رێكارەكانی خۆپارێزیە لە ڤایرۆسی كۆرۆنایە".