هەوڵ دەدرێ قەڵای کەرکووک و ئامێدی بخرێنە ناو لیستی شوێنەوارە جیهانییەکانی یونسکۆ
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

هەوڵ دەدرێ قەڵای کەرکووک و ئامێدی بخرێنە ناو لیستی شوێنەوارە جیهانییەکانی یونسکۆ

ئەندامێکی فراکسیۆنی پارتی دیموکراتی کوردستان لە پەرلەمانی عێراق هەوڵ دەدا پەرلەمان کار لەسەر ناساندنی ئامێدی و قەڵای کەرکووک بە شوێنەواری جیهانی، بکات.

بەشار کیکی، ئەندامی لێژنەی رۆشنبیری و شوێنەوار لە پەرلەمانی عێراق لە پەیجی تایبەتیی خۆی لە تۆڕی کۆمەڵایەتیی (فەیسبووک)، رایگەیاندووە، پێشنیازێکی بۆ کارکردن لەسەر ناساندنی قەڵای کەرکووک و ئامێدی لە کوردستان و شاری مێژوویی نەینەوا بە شوێنەواری جیهانی لەلایەن یونسکۆوە، ئامادە کردووە.

بەشار کیکی پەسنی هەماهەنگیی باشی نێوان لێژنەی رۆشنبیری و شوێنەواری پەرلەمان و وەزارەتی رۆشنبیری بۆ پاراستن و چاککردنەوەی شوێنەوارە مێژووییەکان کردووە و رایگەیاندووە، بە پاراستنی ئەو شوێنەوارانە و خستنیان بۆ ناو لیستی شوێنەوارە جیهانییەکانی یونسکۆ، گەشتیارێکی زۆری جیهانی روو لەو ناوچانە دەکەن.