كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

ل ئاكرێ‌ هەوەكا بەفرەها رشاندنا باژێری خاڵێن پشكنینێ‌ دەست پێكر

تیمێن بەرەڤانیا باژێری ل ئاكرێ‌ هەوەكا بەفرەها رەشاندنا ئاكرێ‌ دەستپێكریە كۆ بریارە هەموو باژێری و گەرەكا و شەقام و جهێن گشتی ب رەشینن و تافیل بكەنەڤە ب دەرمانێ‌ دژە ڤایرۆس.

موقەدەم فیراس یاسین ئاكرەیی بەرپرسی راگەهاندنا بەرەڤانیا باژێرێ‌ بۆ (باسنیوز) راگەهاند: "پشتی بریارا قەدەغەیا هاتنوچۆنێ‌ ل كوردستانێ‌ ل سنوورێ‌ قەزایێن ئاكرێ‌ و بەردەڕەش دەه تیم هاتینە دروستكرن بۆ پاقژكرن و تافیلكرنا وان جهێن ل گۆر رێنمایا هاتیە ڤەكرن وەك بازارێن خوارنێ‌ و كەسكاتی و ئەو فەرمانگەهێن دەوام تێدا هاتیە كرن تایبەت بانكا".

گوتژی: "هەموو خاڵێن پشكنینێ‌ ئەوێن هێزێن نافخۆ تێدا ب ئەركێ‌ خوەیێ‌ رۆژانە رادبن هاتنە رەشاندن و تافیلكرن ب تیمەكا راهێنان كری و شارەزا دبوارێ‌ دەرمانێ‌ دژە ڤایرۆسدا مەبەست پاراستنا گیانێ‌ هێزێن نافخۆیە".

ئاشكرا كر: "ئەگەر هاووڵاتی پێگیر بن ب رێنمایا ئەركێ‌ مە ب ساناهی تر دكەڤیت و ئەركێ‌ هێزێن نافخۆ سڤكتر دبن ز ئەڤ هەوا رشاندنێ‌ دێ‌ هەموو باژێری و خاڵێن پشكنینێن هێزێن نافخۆ ڤەگریت".