شه‌نگ رزگار: ده‌مه‌وێت بە هونەرەکەم خزمەت بە ژنان بکەم
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

شه‌نگ رزگار: ده‌مه‌وێت بە هونەرەکەم خزمەت بە ژنان بکەم


شه‌نگ ڕزگار ته‌مه‌ن 25 ساڵ، دانیشتووی شاری هەڵەبجەیە و دەڵێ کە ساڵانێكی زۆره‌ به‌هۆی حه‌ز و خولیای بۆ كاری هونه‌ری تێكه‌ڵی بواره‌كانی هونه‌ر بووه‌ و ئێستاش زیاتر كار له‌سه‌ر هونه‌ری وێنەکێشان و په‌یكه‌رسازی ده‌كات.


شه‌نگ بۆ (باسنیوز) گوتی: "بەشی پەیکەرسازیم لە پەیمانگای هونەرە جوانەکانم تەواو کردووە و هه‌ر له‌ ته‌مه‌نی منداڵیمه‌وه‌ حه‌ز و خولیایه‌كی زۆرم بۆ هونه‌ر هه‌بووه‌ و هه‌ر ئه‌وه‌ش وای لێكردم كه‌ تاوه‌كو ئێستا به‌رده‌وامی به‌ هونه‌ره‌كه‌م بده‌م و كاره‌ هونه‌رییه‌كانم زیاتر به‌ره‌و پێش ببه‌م".


گوتیشی: "بەهۆی ئەوەی لە خێزانێکی هونەری لە دایکبووم و هەر لە قۆناغی سەرەتاییەوە دەستم بە کاری هونەری کردووە و بە شداربووم لە چەندین چالاکی کە کرابێت له‌ شاره‌كه‌ماندا، هه‌روه‌ها ئەندامی گروپی (کچانی باخی میرم) م و ئامانجم ئەوەیە لە ڕێگەی هونەرەکەمەوە خزمەت بە ژنان و ئافرەتان بکەم".


هەروەها گوتی: " هونه‌ره‌كه‌م سەرەتا خولیایە و پێموابێت گە ر خولیات بۆ هونەرەکەت نەبێت پیشەیەکی سەرکەوتووشت نابێت، بۆ بوون به‌ هونه‌رمه‌ندێكی سه‌ركه‌وتووش ئه‌كادیمی بوون پێویست نیه‌، چونکە هونەر زیاتر بەهرەیە و چەندین هونەرمەندی بە تواناشمان هەیە ئەکادیمی نین، بەڵام کاری هونەری جوان دەکەن".

 

شەنگ ڕوونیکردەوە" دە مەوێت لە ڕێگەی کێشانی تابلۆ یان هەر کارێکی هونەری جگە لەو وێنانەی کە بۆ جوانی و چێژ وەرگرتن کێشاومن، زیاتر کار لەسەر ئازار و ناڕەحەتیەکانی ئافرەت و گەلەکەمان بکەم کە تێیدا ژیاون و هەرکاتیش بۆم گونجا حەز دەکەم پرۆژەی هونه‌ری تایبەت بە خۆمم هە بێت بۆ ئەمەش دایکم زۆر هاوکارمە و بە ردەوام پشتگیری كاره‌كانم دەکات".

 


دەشڵێت: " کە کۆمەڵگەی ئێمە ماویەتی لە هونەر تێبگات، ئەگەر کچیش بیت سەختترە بۆت کار کردن، بە ڵام گرنگ ئەوەیە ئێمە ڕووبەڕووی هەموو سەختییەک ببینەوە و کار بکە ین و پێویسته‌ هەرکچێک توانا و حەزی بۆ هەر کارێک هە یە هەوڵبدات زیاتر پەرە بە تواناکانی خۆی بدات و دەریانبخات، چونکە ئافرەتیش هیچی لە پیاو کەمتر نیە و دە توانێت سە رکەووتوانە کارەکانی ئەنجام بدات".