ئاكرێ‌.. خانی و جهێن شوونەواری بەرەڤ نەمانێ‌ و ژناڤچوونێ‌ دچن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ئاكرێ‌.. خانی و جهێن شوونەواری بەرەڤ نەمانێ‌ و ژناڤچوونێ‌ دچن

ئاكرێ‌ یا دەولەمەندە ب چەندین تاخ و جهێن شوونەواری كو ژمارەكا شوونەوارێن ئاكرێ‌ ل ناڤ لیستا شوونەوارێن جیهانێ‌ هاتینە توماركرن بەلێ‌ ژبەر بێ‌ سەرو بەریێ‌ و بارینا بارانێ‌ مەترسی لسەر دروست بووە.

هیوا شەماڵ، رێڤەبەرێ‌ شونەوارێن ئاكرێ‌ بۆ (باسنیوز) راگەهاند: "گەرەكێن شونەواری یێن كەڤنارێن ئاكرێ‌ چوستەیی و گورەڤا ل سەنتەرێ‌ ئاكرێ‌ مەترسی لسەر خانیێن كەڤنار هەیە ئەگەر نەهێنە نوژەنكرن دێ‌ ژناڤچن ،بەریا نوكە باژێرڤانیا ئاكرێ‌ بودجەیەك بۆ نوژەنكرنا خانێن ئاكرێ‌ دابینكربۆ هندەك نوژەن ژی كرن بەلێ‌ ئەو بودجەی تێرا وان خانیا نەكر نوژەنكرنەڤا زانستی ژی نەبۆ ژبەركو نابیت ئەو خانیێن كەڤنار سیمایێ‌ خوەیێ‌ مێژوویی ل دەست بدەن ، ل ناڤ هندەك خانیێن كەڤنارێن ئاكرێ‌ هێشتا مال تیێدا دژین وان چەند خانی نوژەنكرینە بەلێ‌ پرانیا وان سیمایێ‌ خوەیێ‌ كەڤنار تێكدایە و پێدڤیە نوژەنكرن ل ژێر چاڤدێریا كەسێن بسپور بن ب شوونەواران ڤە".

سەعید شەریف نڤیسەر و شارەزا ل مێژوویا ئاكرێ‌ بۆ (باسنیوز) راگەهاند: "ئاكرێ‌ گەلەك یا كەڤنارە ل گور وان شونەوارێن هەی تایبەت باژێرێ‌ كەڤنێ‌ ئاكرێ‌، مێژوویا وێ‌ ڤەدگەرێت بۆ بەریا پتر ژ 1400 سالا ل وی دەمی باژێرێ‌ ئاكرێ‌ یێ‌ كەڤن هەر هەبۆیە ئەو خانی ژی هەبۆ هەبۆینە بەلێ‌ پێدڤی ب چاڤدێریێ‌ و نوژەنكرنێ‌ هەیە ،چەندین جهێن شونەواری هەنە كو وێ‌ چەندێ‌ ئاشكرا دكەن كو مێژوویا ئاكرێ‌ گەلەك یا كەڤنارە، ل سەر دەمێ‌ بەرێ‌ حوكمرانی ل سەر كەلێ‌ بۆیە ل سالا 1836 ژبەركو سەر كەلێ‌ ئەو جهێن شونەواری نیشانددەن كو جهێ‌ ژیانێ‌ بۆیە".