به‌وێنه‌.. چالاكییه‌كانى وه‌رزى شانۆ له‌ گه‌رمیان كۆتاییهات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

به‌وێنه‌.. چالاكییه‌كانى وه‌رزى شانۆ له‌ گه‌رمیان كۆتاییهات

"شه‌ش شانۆ و دوو چالاكیی گۆرانى و هه‌ڵپه‌ڕكێی تێدا نمایشكران"

به‌ڕێوه‌به‌رى گشتى ڕۆشنبیرى و هونه‌رى گه‌رمیان كۆتاییهاتنى چالاكییه‌كانى وه‌رزی شانۆى له‌ گه‌رمیان ڕاگه‌یاند.

 

ئاكۆ هۆرێنى، به‌ڕێوه‌به‌رى گشتى ڕۆشنبیرى و هونه‌رى گه‌رمیان، به‌ (باسنیوز) ى ڕاگه‌یاند "شەوی یەکشەممە 23/2/2020، له‌كۆتایی چالاكییه‌كانى وه‌رزى شانۆ له‌ گه‌رمیان، گرووپی كۆڕاڵى كچانى خانه‌قین گۆرانییه‌كیان پێشكه‌شكرد و گرووپی هه‌ڵپه‌ڕكێی ڕۆشنبیرى منداڵانى گه‌رمیانیش چه‌ند نمایشێكى هه‌ڵپه‌ڕكێیان پێشكه‌شكرد".

 

گوتیشی: "وه‌رزى شانۆ له‌ گه‌رمیان ماوه‌ى 2 ڕۆژ به‌رده‌وام بوو و تێیدا 6 نمایشی شانۆیی پێشكه‌شكرا كه‌پێكهاتبوون له‌ (وه‌رن ببین به‌سه‌گ، خواحافیز، ڕۆژى درۆ، شۆڕشی شێته‌كان، 25 سانتیم، سێبه‌ر)".

 

ئاماژه‌ى به‌وه‌شدا "له‌كۆتایی چالاكییه‌كه‌دا خه‌ڵات به‌سه‌ر به‌شداربووان و باشترین ده‌رهێنه‌ر و شانۆ و ئه‌كته‌رى كوڕ و كچدا دابه‌شكرا".