فەرهەنگی عەرەبی – کوردیی سادق چاپ و بڵاو کرایەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

فەرهەنگی عەرەبی – کوردیی سادق چاپ و بڵاو کرایەوە

فەرهەنگی عەرەبی – کوردیی سادق، لە دانانی سادق ڕواندزی بە چاپێکی ڕازاوە و لە دووتوێی ٨٥٣  لاپەڕە لە شاری هەولێر کەوتە بەر دیدی خوێنەرانی.

فەرهەنگی سادق بە ئەژماری ٣  هەزار دانە بڵاو کراوەتەوە و نووسەر و وەرگێڕی ناسراوی کورد جەلال زەنگابادی پێدا چووەتەوە و هەڵەبڕیی کردووە.

هاوکات کاری دیزاینی ناوەوەی ئەم فەرهەنگە حامد سەقزی کردوویە و بە ژمارە سپاردنی١٦٨ لە کتێبخانە گشتییەکانی هەرێمی کوردستان مۆڵەتی چاپی وەرگرتووە.

ئەم فەرهەنگە بەشێکی زۆری وەرگێڕانی فەرهەنگی مەهاباد لە دانانی گیوی موکریانییە و بە گوتەی نووسەر شەونخوونی و ڕەنجی زۆری کێشاوە و نزیکەی سی ساڵ و لە قۆناغی جیاجیا خەریکی کۆکردنەوەی فەرهەنگی سادق بووە و هاوکات جەلال زەنگابادی پێشەکییەکی بە زمانی عەرەبی بۆ نووسیوە.

ئەو سەرچاوانەی کە بۆ نووسینی فەرهەنگی سادق کەڵکیان لێ وەرگیراوە بریتین لە: "فەرهەمگی شیرین – عەرەبی کوردی، فەرهەنگی سپیڕێز، گەوهەری گەرمەسێر کە فەرهەنگێکی کوردی (زاراوەی کەلهوڕی) و عەرەبییە، فەرهەنگی دەریا عەرەب – کوردی، فەرهەنگی پەروەردەی زانست، فەرهەنگی هەنبانە بۆرینە و فەرهەنگی کوردیی ئەلحەدیس.