كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

شانۆكارانى كه‌لار به‌شدارى له‌ فێستیڤاڵى نێوده‌وڵه‌تى شانۆى شه‌قامى تونس ده‌كه‌ن

"نه‌هامه‌تییه‌كانى چوارپارچه‌ى كوردستان له‌ شانۆیه‌كدا نمایش ده‌كه‌ن"

گرووپی شانۆى گه‌نجانى كه‌لار له‌سه‌ر ئاستى هه‌رێمى كوردستان به‌شدارى له‌ خولى چواره‌مى فێستیڤاڵى شانۆى شه‌قام له‌ وڵاتى تونس ده‌كه‌ن و شانۆى پرسه‌ى نیشتیمان نمایش ده‌كه‌ن.

 

ڕزگار فه‌قێ، ده‌رهێنه‌رى شانۆى پرسه‌ى نیشتیمان، به‌ (باسنیوز) ى ڕاگه‌یاند: "وه‌كو گرووپی شانۆى گه‌نجانى كه‌لار له‌سه‌ر ئاستى هه‌رێمى كوردستان، له‌لایه‌ن وه‌زاره‌تى ڕۆشنبیرى تونسه‌وه‌ بانگهێشتكراوین بۆ به‌شداریكردن له‌ خولى چواره‌مى فێستیڤاڵى نێوده‌وڵه‌تى شانۆى شه‌قام كه‌ له‌ شارى (القگار) ى ئه‌و وڵاته‌ به‌ڕێوه‌ده‌چێت".

 

گوتیشی: "شانۆى پرسه‌ى نیشتیمان پێشتر له‌ فێستیڤاڵى شانۆى شه‌قام له‌به‌غداد به‌شداربووه‌ و تونسییه‌كان بینه‌رى شانۆكه‌ بوون، مانگى كانوونى یه‌كه‌مى ساڵى ڕابردوو داویانكرد لینكى به‌رهه‌مه‌كه‌یان بۆ بنێرم و پاش ناردنى وه‌ریانگرت بۆ به‌شداریكردن له‌و فێستیڤاڵه‌دا".

 

ئاماژه‌ى به‌وه‌شدا "شانۆكه‌ باس له‌ نه‌هامه‌تییه‌كانى هه‌ر چوارپارچه‌ى كوردستان ده‌كات و له‌هه‌ر پارچه‌یه‌ك نموونه‌یه‌كى نه‌هامه‌تییه‌كانمان وه‌رگرتووه‌ وه‌كو كیمیاباران و كۆڕه‌و و عه‌فرین و سنه‌ و مه‌هاباد و شه‌نگال و ماوه‌ى 20 خوله‌كه‌".

 

ڕوونیشیكرده‌وه‌ "ئه‌مڕۆ 4/2/2020 له‌ فڕۆكه‌خانه‌ى نێوده‌وڵه‌تى سلێمانییه‌وه‌ به‌ره‌و ئه‌و وڵاته‌ كه‌وتینه‌ڕێ".