37 ساڵ لەمەوبەر شەڕ لە کوردستانی ڕۆژهەڵات دەستی پێکرد

 پارت و لایەنە سیاسییەکانی کوردستانی ڕۆژهەڵات لەو باوەڕە دان 37 ساڵ لەمەوبەر، بە فتوای ڕووحوڵا خومەینی، ڕیبەری كۆماری ئیسلامیی ئێران، سوپای تازە دامەزراوی پاسداران بە مەبەستی داگیركردن و ھەژموونییان بە سەر كوردستانی ڕۆژھەڵاتدا ھێرشێكی بەرفراوانیان كردە سەر ئەو بەشی كوردستان و بەھەزاران كەسیان كردە قوربانی.

 

 بەپێی بەڵگە و دۆکۆمێنتەکان لەو هێرش و شەڕانەدا لە شار و شارۆچکەکانی کوردستانی ڕۆژهەڵات، زیاتر لە 5 هەزار خەڵکی بێتاوان، سڤیل و چالاکوانی سیاسی و ئەندامی پارتە کوردییەکانی کوژران، یان لەسێدارە دران.

 

ئەوە لە كاتێك دابوو كە گەڵی كورد بە ھەموو شێوەیەك لە بەرانبەر حكوومەتی پاشایەتیدا خۆڕاگریان كردبوو و لەڕێی ئاشتیانەوە داوای مافەكانیان لە دەسەڵاتەی تازە دامەزراوی كۆماری ئیسلامیی دەكرد.

 

بەگوتەی بەرپرسانی پارتی لیبڕال دیموكراتی كوردستان، ئەو شەڕە بووە ھۆی كوشتن، بڕین و لەسێدارەدانی ھەزارانی گەنجی كورد، ھاوكات لە درێژەی ئەو ھێرشانەدا ئێستاش دژایەتی گەلی كورد لەلایەن دەسەڵاتدارانی كۆماری ئیسلامیی ئێرانەوە درێژەی ھەیە و تەنیا لە ماوەی دوو ھەفتەی ڕابردوودا نزیكەی 45 كورد لەسێدارە دران.

 

ماڵپەڕی كوردستان میدیا زمانحاڵی حدکا نووسیویەتی: "ڕێژیمی تازە بە دەسەڵات گەیشتوو ڕێگر بوو لەوەی كە لە بەشێك لە خاكی ئێراندا واتە كوردستانی ڕۆژھەڵات كەشێكی ئازاد و دێموكراتیك هەبێ، هەر بۆیە بە زووترین كات هێزە چەكدارەكانی پاسدار و ئەرتەشی ئێرانی ڕەوانەی كوردستان كرد".

 

 ھەر ئەو ماڵپەڕە ئەوەشی خستەڕوو: "پیلانەكانی شەڕی نەورۆزی خوێناویی شاری سنە، شەڕی تورك و كورد لە شاری نەغەدە بە دەستوری مەلا حەسەنی نوێنەری خومەینی لە پارێزگای ورمێ، كوشتن و لەسێدارەدانی بە كۆمەڵی خەڵكی مەدەنیی كورد، هاندانی دەرەبەگ و ئاغاكان بە دژی خەڵكی زەحمەتكێش و كۆڕەوی خەڵكی شاری مەریوان دەسپێكی هێرش و فتوای جیهاد بۆ سەر خەڵكی كوردستانى ئێران بوون".

 

بەگوێرەی زانیاری میدیاكان، لە مانگی ئابی 1979 (گەلاوێژی ساڵی 1358)ی هەتاویدا، بە فەرمانی دامەزرێنەری كۆماری ئیسلامیی ئێران، شەڕێكی خوێناوی لە شاری پاوە ڕووی دا و چەكدارانی سەر بە كۆماری ئیسلامیی ئێران ژمارەیەك خەڵكی مەدەنی شاری پاوەیان كوشت، هەر بۆیە خەڵكی شار تێكڕا بە دژی ئەو چەكدارانە ڕاپەڕین و بۆ ناڕەزایەتی دەربڕین لە (قۆری قەڵا)ی نزیك پاوە مانیان گرت. بەپێی ئەو زانیارییانەی كوردستان میدیا بڵاوی كردووەتەوە: "ھەر لەو ڕۆژەدا كە خومەینی فەرمانی جیهادی دژی گەلی كورد لە كوردستانی ڕۆژھەڵات دەركرد، حزبی دیموكراتی كوردستانی ئێرانیشی بە حزبێكی هەڵوەشاوە ڕاگەیاند".

 

 بەپێی دیكۆمێنتەكان دامەزرێنەری كۆماری ئیسلامیی ئێران، بۆ جێبەجێكردنی فتوای جیهادی دژی نەتەوەی كورد چەند كەسێكی وەكوو، مستەفا چەمران وەزیری بەرگریی ئەوكاتی ئێران، سەیادی شیرازی فەرماندەی ئەرتەش، مەلا حەسەنی نوێنەریی خومەینی لە پاریزگای ورمێ و خاڵخاڵیی كە فەرمانی لەسێدارەدانی دەیان ڕۆڵەی كوردی دەركرد، وەك بەرپرسی بەڕێوەبردنی فەرمانی جیهاد بە دژی گەلی كورد لە كوردستانی ڕۆژھەڵات دیاری كرد."

 

 ماڵپەڕی كوردپا لەو بارەیەوە نووسیویەتی: "شایەتحاڵەكان، بەتایبەت دانیشتوانی گوندەكان كاتێك باس لە ڕووداوەكانی دوای فتوای خومەینی دەكەن، دەڵێن، زۆر جار خەڵكی بێتاوانی گوندێك لە ماوەی چەند خولەكدا بەكۆمەڵ بڕیاری كوشتنیان بۆ دەرچووە كە هیچ بەڵگەیەك بۆ تاوانبار بوونیان لەبەر دەستدا نەبووە ‌و تەنیا بە تاوانی كوردبوون ‌و بیر‌وڕای جیاواز كوژراون".

 

 ھەر ئەو ماڵپەڕەی جەختی لەوە كردووەتەوە كە "بەپێی بەڵگە فەرمییەكان كە ئێستا لەبەر دەست دان كوشتار، لەسێدارەدان و گوللەبارانی چالاكان لە ساڵی 1981 (دەیەی 60ی هەتاوی)، لەلایەن سادق خەڵخاڵی وەك حاكم شەرع ‌و نوێنەری خومەینی لە پرۆسەیەكی بەرین ‌و لە ماوەیەكی كەمدا ‌و لە دادگایەكی چەند خولەكیدا بڕیاری كوشتنی سەدان كەس لە چالاكانی سیاسیی و خەڵكی بێتاوانی نەتەوەی كورد جێبەجێ‌ كران."

 

 زۆرێك لە شارەزایان ‌و چالاكوانانی بواری كۆمەڵایەتیی و تاوانەكانی شەڕ ‌و جینۆساید لەو باوەڕە دان كە "ئەو كوشتن و بڕینەی بەرامبەر نەتەوەی كورد ئەنجام دراون، دەكەونە چوارچێوەی جینۆساید ‌و سڕینەوەی نەتەوەییەوە كە پێویستی بە لێكۆلێنەوەیەكی سیاسیی ‌و كۆمەڵایەتیی چڕ‌وپڕ ‌و هەمەلایەنەوە هەیە و هەتا ئێستا حكوومەتی كۆماری ئیسلامیی ئێران ڕێگەی بە لێكۆڵەران نەداوە لەم بارەوە ڕاستیەكانی ئەو ڕووداوانەی كوردستان بخەنە ڕوو."

18/08/2016 - 12:41 بڵاوکراوەتەوە لە ڕاپۆرت

 پارت و لایەنە سیاسییەکانی کوردستانی ڕۆژهەڵات لەو باوەڕە دان 37 ساڵ لەمەوبەر، بە فتوای ڕووحوڵا خومەینی، ڕیبەری كۆماری ئیسلامیی ئێران، سوپای تازە دامەزراوی پاسداران بە مەبەستی داگیركردن و ھەژموونییان بە سەر كوردستانی ڕۆژھەڵاتدا ھێرشێكی بەرفراوانیان كردە سەر ئەو بەشی كوردستان و بەھەزاران كەسیان كردە قوربانی.

 

 بەپێی بەڵگە و دۆکۆمێنتەکان لەو هێرش و شەڕانەدا لە شار و شارۆچکەکانی کوردستانی ڕۆژهەڵات، زیاتر لە 5 هەزار خەڵکی بێتاوان، سڤیل و چالاکوانی سیاسی و ئەندامی پارتە کوردییەکانی کوژران، یان لەسێدارە دران.

 

ئەوە لە كاتێك دابوو كە گەڵی كورد بە ھەموو شێوەیەك لە بەرانبەر حكوومەتی پاشایەتیدا خۆڕاگریان كردبوو و لەڕێی ئاشتیانەوە داوای مافەكانیان لە دەسەڵاتەی تازە دامەزراوی كۆماری ئیسلامیی دەكرد.

 

بەگوتەی بەرپرسانی پارتی لیبڕال دیموكراتی كوردستان، ئەو شەڕە بووە ھۆی كوشتن، بڕین و لەسێدارەدانی ھەزارانی گەنجی كورد، ھاوكات لە درێژەی ئەو ھێرشانەدا ئێستاش دژایەتی گەلی كورد لەلایەن دەسەڵاتدارانی كۆماری ئیسلامیی ئێرانەوە درێژەی ھەیە و تەنیا لە ماوەی دوو ھەفتەی ڕابردوودا نزیكەی 45 كورد لەسێدارە دران.

 

ماڵپەڕی كوردستان میدیا زمانحاڵی حدکا نووسیویەتی: "ڕێژیمی تازە بە دەسەڵات گەیشتوو ڕێگر بوو لەوەی كە لە بەشێك لە خاكی ئێراندا واتە كوردستانی ڕۆژھەڵات كەشێكی ئازاد و دێموكراتیك هەبێ، هەر بۆیە بە زووترین كات هێزە چەكدارەكانی پاسدار و ئەرتەشی ئێرانی ڕەوانەی كوردستان كرد".

 

 ھەر ئەو ماڵپەڕە ئەوەشی خستەڕوو: "پیلانەكانی شەڕی نەورۆزی خوێناویی شاری سنە، شەڕی تورك و كورد لە شاری نەغەدە بە دەستوری مەلا حەسەنی نوێنەری خومەینی لە پارێزگای ورمێ، كوشتن و لەسێدارەدانی بە كۆمەڵی خەڵكی مەدەنیی كورد، هاندانی دەرەبەگ و ئاغاكان بە دژی خەڵكی زەحمەتكێش و كۆڕەوی خەڵكی شاری مەریوان دەسپێكی هێرش و فتوای جیهاد بۆ سەر خەڵكی كوردستانى ئێران بوون".

 

بەگوێرەی زانیاری میدیاكان، لە مانگی ئابی 1979 (گەلاوێژی ساڵی 1358)ی هەتاویدا، بە فەرمانی دامەزرێنەری كۆماری ئیسلامیی ئێران، شەڕێكی خوێناوی لە شاری پاوە ڕووی دا و چەكدارانی سەر بە كۆماری ئیسلامیی ئێران ژمارەیەك خەڵكی مەدەنی شاری پاوەیان كوشت، هەر بۆیە خەڵكی شار تێكڕا بە دژی ئەو چەكدارانە ڕاپەڕین و بۆ ناڕەزایەتی دەربڕین لە (قۆری قەڵا)ی نزیك پاوە مانیان گرت. بەپێی ئەو زانیارییانەی كوردستان میدیا بڵاوی كردووەتەوە: "ھەر لەو ڕۆژەدا كە خومەینی فەرمانی جیهادی دژی گەلی كورد لە كوردستانی ڕۆژھەڵات دەركرد، حزبی دیموكراتی كوردستانی ئێرانیشی بە حزبێكی هەڵوەشاوە ڕاگەیاند".

 

 بەپێی دیكۆمێنتەكان دامەزرێنەری كۆماری ئیسلامیی ئێران، بۆ جێبەجێكردنی فتوای جیهادی دژی نەتەوەی كورد چەند كەسێكی وەكوو، مستەفا چەمران وەزیری بەرگریی ئەوكاتی ئێران، سەیادی شیرازی فەرماندەی ئەرتەش، مەلا حەسەنی نوێنەریی خومەینی لە پاریزگای ورمێ و خاڵخاڵیی كە فەرمانی لەسێدارەدانی دەیان ڕۆڵەی كوردی دەركرد، وەك بەرپرسی بەڕێوەبردنی فەرمانی جیهاد بە دژی گەلی كورد لە كوردستانی ڕۆژھەڵات دیاری كرد."

 

 ماڵپەڕی كوردپا لەو بارەیەوە نووسیویەتی: "شایەتحاڵەكان، بەتایبەت دانیشتوانی گوندەكان كاتێك باس لە ڕووداوەكانی دوای فتوای خومەینی دەكەن، دەڵێن، زۆر جار خەڵكی بێتاوانی گوندێك لە ماوەی چەند خولەكدا بەكۆمەڵ بڕیاری كوشتنیان بۆ دەرچووە كە هیچ بەڵگەیەك بۆ تاوانبار بوونیان لەبەر دەستدا نەبووە ‌و تەنیا بە تاوانی كوردبوون ‌و بیر‌وڕای جیاواز كوژراون".

 

 ھەر ئەو ماڵپەڕەی جەختی لەوە كردووەتەوە كە "بەپێی بەڵگە فەرمییەكان كە ئێستا لەبەر دەست دان كوشتار، لەسێدارەدان و گوللەبارانی چالاكان لە ساڵی 1981 (دەیەی 60ی هەتاوی)، لەلایەن سادق خەڵخاڵی وەك حاكم شەرع ‌و نوێنەری خومەینی لە پرۆسەیەكی بەرین ‌و لە ماوەیەكی كەمدا ‌و لە دادگایەكی چەند خولەكیدا بڕیاری كوشتنی سەدان كەس لە چالاكانی سیاسیی و خەڵكی بێتاوانی نەتەوەی كورد جێبەجێ‌ كران."

 

 زۆرێك لە شارەزایان ‌و چالاكوانانی بواری كۆمەڵایەتیی و تاوانەكانی شەڕ ‌و جینۆساید لەو باوەڕە دان كە "ئەو كوشتن و بڕینەی بەرامبەر نەتەوەی كورد ئەنجام دراون، دەكەونە چوارچێوەی جینۆساید ‌و سڕینەوەی نەتەوەییەوە كە پێویستی بە لێكۆلێنەوەیەكی سیاسیی ‌و كۆمەڵایەتیی چڕ‌وپڕ ‌و هەمەلایەنەوە هەیە و هەتا ئێستا حكوومەتی كۆماری ئیسلامیی ئێران ڕێگەی بە لێكۆڵەران نەداوە لەم بارەوە ڕاستیەكانی ئەو ڕووداوانەی كوردستان بخەنە ڕوو."