لە سەردەمی بێ ویژدانیداین.. بۆیە ئەوان بەهێزتن!

 

بەر لە چەند رۆژێك، شتێكم لە فەیسبووك خوێندەوە، كە نقومی نێو رەشبینی و جۆرێك لە ناتوانایی بوو. ناوەڕۆكی شتەكەش "تا توركیا هەبێت، ئێمە ئیسراحەت ناكەین، رزگاربوونمان بەندە بە وێرانبوونی توركیا."


زۆر روون بوو كە ئەم قسەیە تەنیا گوزارشت نەبوو لە بۆچوونی خاوەنەكەی، هێندەی كە گوزارشتە لە دید و بۆچوونی گەلێك لە كورد تەنانەت بۆچوونی پێكهاتەكانی دیكەش لە خەڵكی ناوچەكە، قسەكەی ئێمەش لە قەبارەی ئەو كۆمۆمێنتانەوە سەرچاوەی گرتووە، كە زۆربەیان لەگەڵ ئەو بۆچوونە بوون كە لەو ئەكاونتەدا خرابووە روو.


لە راستیدا كەس ناتوانێ نكووڵی لە هۆی ناتوانایی لە لای ئێمە بكات، ئێمە وەك لایەنانی سیاسی یان مەدەنی یان سیستەمەیلی بەرگری، ئەوەش تەنیا ئاستەنگێكی قۆناغەكە نییە، هێندەی كە پرسەكە هەلومەرجی خۆیی هەیە، سەرباری هەلومەرجی بابەتی، هەڵبەت بەوەی كە توركیا سەرچاوەی گرفتەكانی ئێمەیە، ئەوە لە راستییەوە دوور نییە، توركیا و رژێمی دیكەش هیچ كاتێك لە دژایەتیكردنی ئێمەدا درێغییان نەكردووە، هەمیشەش ئەوان هۆیەكی بابەتیانە بوون بۆ قەیرانەكانی ناوخۆمان.


هەڵبەت ناتوانایی بووەتە بابەتێكی هەستیار، بووەتە بەشێك لە رەفتاری رۆژانە، دیارە هۆیەكەشی لەمانەدایە:
- ئەو ناتواناییەی لەگەڵ رۆژگاردا دروست دەبێت جۆرێكە لە توندڕەوی، ئەمەش تەنیا دژ بە توركیا و دژ بە رژێم نییە، بەڵكوو دژ بە هەر كەسێكە كە بەرەو رووی خواستی نەوەی نوێ دەبێتەوە.


- ئەم ناتواناییە نیشانە بە هۆیەك دەدات كە بریتییە لە جیاوازی لە تواناكان، نەك لە رووی سەربازییەوە بەڵكوو لە رووی دیكەشەوە، ئەگەر ئێمە لە پەنجەرەی ئەو پێشێلكارییانەی دەرهەقمان پیادە كراوە و دەكرێت، سۆزی ئەوانی دی بەدەست دەهێنین، ئەوا ئەوەی لێمان لە بۆسەدایە لە رێی بەكارهێنانی هێز دژ بە ئێمە، سۆزی ئەوانی دی بۆ خۆی بەدەست دەهێنێت.


- توانا و هێزی ئەو دەوڵەتانەش شاراوە نییە كە ئێمە دەچەوسێننەوە، هەروەها ئەو دەوڵەتانە چۆن مانۆڕێك لە لای دەوڵەتانی دیكە دەكەن، واش خۆیان پیشان دەدەن كە ئەوان "دەوڵەتی كورد پارێزن" نەك چەوسێنەری كورد، با نموونەیەك بهێنینەوە، بەر لە چەند رۆژێك رۆژنامەیەكی رۆژئاوایی پرسیاری لەبارەی بێدەنگبوونی جیهان كرد سەبارەت بە بەكارهێنانی چەكی لە ئاستی نێودەوڵەتی قەدەغە، كە هێزی داگیركەر بەكاری هێنا؟ هەڵبەت مەبەست بێدەنگبوونی جیهانی رۆژئاوا بوو، بەوەی بابەتی سووتانی جەستەی "محەمەد" بە چەكی فسفۆڕ لە لایەن هێزی توركیا و هێزی هەواداری ئەوەوە لە سەرێكانی، نەورووژاند.


توركیا بە هەموو توانا و قورسایی خۆی و ئەزموون و پەنابردنی بۆ هونەرەیلی جەنگ و تەنانەت لە گوتارەكەیدا پەنای بۆ رابردووش برد، هاتە دەست. ئەو گوتارە دیپلۆماسییەی كە "ناوچەی جینۆساید" دەكاتە "ناوچەی ئارام"، هەروەها خاكی كورد داگیر دەكات و دەریان دەكات، ئنجا بە پاساوی گەڕاندنەوە و نیشتەجێكردنی پەنابەرانی سووریا قەناعەت بە نەتەوە یەكگرتووەكان و دەوڵەتانیش دەهێنێت، داوا لە جیهانیش دەكات كە پشتیوانی و كۆمەكی داراییشی بكەن، ئەویش لە رێی دیپلۆماسییەكەوە كە پێی دەڵێین "دیپلۆماسییەتی شەڕ"، ئەوا دەتوانێت هەموو شتێك بكات، بە تایبەتی كە ئێمە لە سەردەمی "بێ ویژدانی"ی جیهاندا دەژین.


ماوەتەوە بڵێین، ئەوەی لە ناوچەی ئێمە، لە كوردستانی سووریا روو دەدات، بە درێژایی مێژوو لە هیچ ناوچەیەكی جیهان رووی نەداوە. هەموو لایەنانی دۆست و دۆژمن پێ دەنێنە سەر خاكی ئێمە، پێشم وا نییە هەڵە بم ئەگەر بڵێم، خاكی ئێمە بووەتە گۆڕەپانێك بۆ یەكلاییكردنەوەی شەڕی هەژموون.


هەموو لایەنانی پەیوەست بە هاوكێشەی شەڕی سووریا لە رۆژهەڵاتی فوراتدا بنكەی جەنگییان هەیە، پرسیاریش ئەوەیە: ئایا ئەمە بۆ ​خەڵكەكە باشە یان بەڵا؟


وتارەكە لە دوو رستەدا:
ئەگەر بە شەڕ بیانبەزێنین، ئەوان بە هونەری خۆیان و چەواشەكردنی مێژوو، هەروەها چەواشەكردنی هەقیقەتی بوونمان، دەمانبەزێنن.