وه‌به‌رهێنان له‌ مرۆڤدا

گۆڤاری‭ (‬فۆرین‭ ‬ئه‌فیرز‭)‬ی‭ ‬ئه‌مه‌ریكایی‭ ‬له‌‭ ‬ڕاپۆرتێكیدا‭ ‬كه‌‭ ‬له‌‭ ‬دوا‭ ‬ژماره‌ی‭ ‬ئه‌م‭ ‬مانگه‌دا‭ ‬بڵاو‭ ‬بووه‌ته‌وه‌،‭ ‬پرسیارێك‭ ‬ده‌وروژێنێت‭ ‬سه‌باره‌ت‭ ‬به‌وه‌ی‭ ‬كه‌‭ ‬داخۆ‭ ‬ئابووریی‭ ‬عێراق‭ ‬سه‌ره‌ڕای‭ ‬ئه‌و‭ ‬نوشستییانه‌ی‭ ‬ئێستای‭ ‬وڵاته‌كه‌‭ ‬دووچاری‭ ‬هاتووه‌،‭ ‬جارێكی‭ ‬دیكه‌‭ ‬گه‌شانه‌وه‌‭ ‬به‌خۆیه‌وه‌‭ ‬ده‌بینێت‭.‬

بێ‭ ‬گومان‭ ‬ڕاپۆرته‌كه‌‭ ‬باس‭ ‬له‌وه‌‭ ‬ده‌كات‭ ‬كه‌‭ ‬عێراق‭ ‬له‌‭ ‬لێواری‭ ‬نابووتی‭ ‬نزیك‭ ‬بووه‌ته‌وه‌‭ ‬و‭ ‬ته‌نیا‭ ‬چاره‌سه‌ری‭ ‬هه‌ر‭ ‬چاكسازییه‌،‭ ‬بێ‭ ‬گومان‭ ‬چاكسازییش‭ ‬له‌‭ ‬دیدی‭ ‬ئه‌مه‌ریكاییه‌كانه‌وه‌‭ ‬په‌نجه‌نه‌رمكردن‭ ‬و‭ ‬ملدانه‌‭ ‬له‌گه‌ڵ‭ ‬یاساكانی‭ ‬سیستمی‭ ‬سه‌رمایه‌داری‭ ‬و‭ ‬ڕوانگه‌‭ ‬ئابوورییه‌كانی‭ ‬نیولیبرالیزم،‭ ‬كه‌‭ ‬به‌بۆچوونی‭ ‬من‭ ‬له‌م‭ ‬سه‌رده‌مه‌دا‭ ‬هه‌ر‭ ‬بیركردنه‌وه‌یه‌ك‭ ‬له‌‭ ‬قه‌یران،‭ ‬ئه‌گه‌ر‭ ‬له‌و‭ ‬سۆنگه‌یه‌وه‌‭ ‬نه‌بێت‭ ‬كه‌‭ ‬خودی‭ ‬ئه‌م‭ ‬سیستمه‌‭ ‬خۆی‭ ‬له‌‭ ‬قه‌یرانێكی‭ ‬گه‌وره‌دایه‌،‭ ‬بیركردنه‌وه‌یه‌كی‭ ‬دروست‭ ‬نابێت‭ ‬و‭ ‬له‌سه‌ر‭ ‬ئاستی‭ ‬دوورمه‌وداش‭ ‬خوڵقێنه‌ر‭ ‬نابێت‭. ‬

ئه‌وه‌ی‭ ‬واده‌كات‭ ‬له‌‭ ‬سه‌ره‌تای‭ ‬ئه‌م‭ ‬نووسینه‌دا‭ ‬ئه‌و‭ ‬ڕاپۆرته‌‭ ‬بكه‌مه‌‭ ‬ده‌روازه‌ی‭ ‬نووسینه‌كه‌م،‭ ‬به‌‭ ‬ته‌نیا‭ ‬بڕگه‌یه‌كه‌‭ ‬كه‌‭ ‬سه‌باره‌ت‭ ‬به‌‭ ‬وه‌به‌رهێنانه‌‭ ‬له‌‭ ‬سه‌رمایه‌ی‭ ‬مرۆییدا‭. ‬

به‌ر‭ ‬له‌مه‌،‭ ‬ئه‌وه‌ی‭ ‬سه‌رنجم‭ ‬له‌‭ ‬ڕاپۆرته‌كه‌دا‭ ‬ڕاده‌كێشێت‭ ‬ئه‌وه‌یه‌‭ ‬كه‌‭ ‬سه‌ره‌ڕای‭ ‬نه‌هامه‌تی،‭ ‬له‌‭ ‬كۆتاییدا‭ ‬ڕه‌نگه‌‭ ‬ترووسكاییه‌ك‭ ‬هه‌بێت‭ ‬بۆ‭ ‬عێراق‭. ‬ترووسكاییه‌كه‌ش‭ ‬ته‌نیا‭ ‬ئه‌وه‌یه‌‭ ‬كه‌‭ ‬مرۆڤ‭ ‬له‌ژێر‭ ‬باری‭ ‬فشاردا‭ ‬ناچار‭ ‬ده‌بێت‭ ‬ئه‌و‭ ‬هه‌ڵانه‌ی‭ ‬هه‌یه‌تی‭ ‬ڕاستیان‭ ‬بكاته‌وه‌‭.  ‬

له‌‭ ‬كاتی‭ ‬قه‌یران‭ ‬و‭ ‬نه‌هامه‌تی‭ ‬و‭ ‬لێقه‌وماندا‭ ‬مرۆڤ‭ ‬به‌خۆداچوونه‌وه‌‭ ‬ده‌كات‭ ‬و‭ ‬ئه‌وه‌ی‭ ‬توانیویه‌تی‭ ‬بیكات‭ ‬و‭ ‬نه‌یكردووه‌،‭ ‬ئێستا‭ ‬ئیتر‭ ‬ده‌بێت‭ ‬به‌ناچاری‭ ‬بیكات‭. ‬

لێره‌دا‭ ‬نموونه‌یه‌كم‭ ‬له‌‭ ‬به‌رده‌ستدایه‌‭ ‬و‭ ‬ڕاپۆرتێكی‭ ‬زۆر‭ ‬لۆكاڵیی‭ ‬خۆمانه‌یه‌،‭ ‬سه‌باره‌ت‭ ‬به‌‭ ‬خولی‭ ‬ئه‌مساڵی‭ ‬پێشه‌نگای‭ ‬نێوده‌وڵه‌تیی‭ ‬كتێبه‌‭ ‬له‌‭ ‬هه‌ولێر‭. ‬به‌پێی‭ ‬ڕاپۆرته‌كه‌،‭ ‬كه‌‭ ‬متمانه‌م‭ ‬به‌‭ ‬دروستكه‌رانی‭ ‬هه‌یه‌،‭ ‬ئه‌مساڵ‭:‬

‭- ‬بازاڕی‭ ‬كتێب‭ ‬له‌‭ ‬ساڵان‭ ‬باشتر‭ ‬بووه‌‭ ‬و‭ ‬خه‌ڵك‭ ‬خولیای‭ ‬سه‌رچاوه‌‭ ‬و‭ ‬به‌ده‌ستخستی‭ ‬كتێبن،‭ ‬بۆ‭ ‬چۆنیه‌تیی‭ ‬ڕووبه‌ڕووبوونه‌وه‌ی‭ ‬كێشه‌‭ ‬و‭ ‬قه‌یران‭. ‬

‭- ‬ئه‌مساڵ‭ ‬كه‌مترین‭ ‬گه‌نده‌ڵی‭ ‬و‭ ‬قاچ‭ ‬و‭ ‬قوچ‭ ‬كراوه‌‭. ‬به‌پێی‭ ‬ڕاپۆرته‌كه‌‭ ‬له‌‭ ‬ساڵانی‭ ‬ڕابردوودا‭ ‬نرخی‭ ‬پسووله‌یه‌كی‭ ‬به‌تاڵ‭ ‬گه‌یشتووه‌ته‌‭ ‬200‭ ‬دۆلار،‭ ‬ئه‌مساڵ‭ ‬یه‌ك‭ ‬حاڵه‌تی‭ ‬وا‭ ‬تۆمار‭ ‬نه‌كراوه‌‭. (‬كورد‭ ‬گوته‌نی‭: ‬مانگا‭ ‬مرد‭ ‬و‭ ‬دۆ‭ ‬بڕا‭).‬

ڕه‌نگه‌‭ ‬ئه‌مه‌‭ ‬بابه‌تێكی‭ ‬گرنگی‭ ‬لێكۆڵینه‌وه‌‭ ‬بێت‭ ‬بۆ‭ ‬خه‌ڵكی‭ ‬خۆی،‭ ‬بۆیه‌‭ ‬جێی‭ ‬دێڵم‭ ‬و‭ ‬ده‌چمه‌وه‌‭ ‬سه‌ر‭ ‬ئه‌وه‌ی‭ ‬ده‌ستم‭ ‬پێ‭ ‬كرد‭ ‬و‭ ‬سه‌باره‌ت‭ ‬ئه‌و‭ ‬بڕگه‌یه‌‭ ‬كه‌‭ ‬په‌یوه‌ندسی‭ ‬به‌‭ ‬وه‌به‌رهێنانه‌وه‌‭ ‬هه‌یه‌‭ ‬له‌‭ ‬مرۆڤدا‭. ‬

له‌‭ ‬نووسینی‭ ‬پێشترمدا‭ ‬باسم‭ ‬له‌‭ (‬پلانی‭ ‬مارشاڵ‭) ‬كرد،‭ ‬كه‌‭ ‬ئه‌وه‌‭ ‬بایه‌خه‌‭ ‬ماتماتیكی‭ ‬و‭ ‬ئابوورییه‌كه‌ی‭ ‬نییه‌‭ ‬ده‌یكاته‌‭ ‬شتێكی‭ ‬گرنگ‭ ‬بۆ‭ ‬ئه‌ڵمانیا‭ ‬و‭ ‬ئه‌وروپا،‭ ‬به‌ڵكو‭ ‬بایه‌خه‌كه‌ی‭ ‬له‌و‭ ‬بیركردنه‌وه‌یه‌دایه‌‭ ‬كه‌‭ ‬له‌پشتیه‌وه‌یه‌تی‭. ‬بێ‭ ‬گومان‭ ‬بایه‌خی‭ ‬بیركردنه‌وه‌ش‭ ‬له‌وه‌دایه‌‭ ‬كه‌‭ ‬بیركردنه‌وه‌یه‌‭ ‬له‌‭ ‬مرۆڤ‭. ‬

جا‭ ‬ڕۆشنگه‌ری‭ ‬خۆی‭ ‬چییه‌،‭ ‬جگه‌‭ ‬له‌وه‌ی‭ ‬مرۆڤ‭ ‬ده‌كاته‌‭ ‬بابه‌ت‭ ‬و‭ ‬ته‌وه‌ری‭ ‬سه‌ره‌كیی‭ ‬بیركردنه‌وه‌ی‭ ‬مه‌عریفی؟

پێویستت‭ ‬به‌م‭ ‬نووسینه‌‭ ‬نییه‌‭ ‬تا‭ ‬بزانیت‭ ‬ئه‌ڵمانیا‭ ‬چۆن‭ ‬بووه‌ته‌‭ ‬ئه‌م‭ ‬موعجیزه‌‭ ‬ئابوورییه‌ی‭ ‬ئێستا‭. ‬سێرچێك‭ ‬بكه‌‭ ‬ده‌یان‭ ‬كتێب‭ ‬و‭ ‬لێكۆڵینه‌وه‌‭ ‬وه‌ڵامت‭ ‬ده‌ده‌نه‌وه‌‭. ‬چی‭ ‬پێشنیار‭ ‬نه‌كراوه‌‭ ‬و‭ ‬چی‭ ‬نه‌خراوه‌ته‌‭ ‬به‌رده‌ست‭ ‬بۆ‭ ‬ئه‌وه‌ی‭ ‬ئه‌ڵمانیا‭ ‬جارێكی‭ ‬تر‭ ‬شه‌ڕانگێز‭ ‬نه‌بێت‭ ‬و‭ ‬ئه‌وه‌ی‭ ‬نازیزم‭ ‬كردی،‭ ‬له‌و‭ ‬وڵاته‌دا‭ ‬دووباره‌‭ ‬نه‌بێته‌وه‌‭. ‬

هه‌بوون‭ ‬ده‌یانویست‭ ‬ئه‌ڵمانیاییه‌كان‭ ‬بتاوێننه‌وه‌‭!‬

ساڵی‭ ‬1944‭ ‬دووه‌م‭ ‬جه‌نگی‭ ‬جیهانی‭ ‬له‌‭ ‬كۆتایی‭ ‬نزیك‭ ‬ده‌بووه‌وه‌،‭ (‬هنری‭ ‬مورجینتاو‭) ‬وه‌زیری‭ ‬دارایی‭ ‬ئه‌مه‌ریكایی‭ ‬بوو،‭ ‬پێشنباری‭ ‬ئه‌وه‌ی‭ ‬كرد،‭ ‬باشترین‭ ‬ڕێگا‭ ‬بۆ‭ ‬ئه‌وه‌ی‭ ‬ئه‌ڵمانیا‭ ‬توانای‭ ‬شه‌ڕفڕۆشتنێكی‭ ‬دیكه‌ی‭ ‬نه‌بێت‭ ‬ئه‌وه‌یه‌‭ ‬بكرێته‌‭ ‬وڵاتێكی‭ ‬كشتوكاڵی‭. ‬

به‌و‭ ‬پێودانگه‌ی‭ ‬كه‌‭ ‬پشتی‭ ‬به‌‭ ‬كشتوكاڵ‭ ‬به‌ست‭ ‬و‭ ‬پیشه‌سازی‭ ‬نه‌بوو،‭ ‬ناتوانێ‭ ‬چه‌ك‭ ‬و‭ ‬جبه‌خانه‌ی‭ ‬هه‌بێت‭ ‬و‭ ‬بیر‭ ‬له‌‭ ‬جه‌نگ‭ ‬بكاته‌وه‌‭. ‬

ئه‌ڵمانیای‭ ‬نازی،‭ ‬به‌رهه‌می‭ ‬سزاكانی‭ ‬جه‌نگی‭ ‬یه‌كه‌می‭ ‬جیهانی‭ ‬بوو،‭ ‬به‌و‭ ‬كاره‌سات‭ ‬و‭ ‬نه‌هامه‌تی‭ ‬و‭ ‬كوشتار‭ ‬و‭ ‬ماڵوێرانییه‌ی‭ ‬دووه‌م‭ ‬جه‌نگی‭ ‬جیهانی‭ ‬به‌سه‌ری‭ ‬داهێنا،‭ ‬جارێكی‭ ‬دیكه‌‭ ‬نابووت‭ ‬بكرایه‌‭ ‬و‭ ‬سزا‭ ‬بدرایه‌،‭ ‬غۆلێكی‭ ‬دیكه‌ی‭ ‬لێ‭ ‬دروست‭ ‬ده‌بوو‭. ‬

ئا‭ ‬لێره‌دایه‌‭ ‬به‌های‭ ‬پلانی‭ ‬مارشاڵ‭ ‬كه‌‭ ‬ئه‌و‭ ‬تاوانه‌‭ ‬ناكات‭ ‬و‭ ‬له‌جیاتی‭ ‬سزادانی‭ ‬ئه‌ڵمانیا،‭ ‬بیر‭ ‬له‌وه‌‭ ‬ده‌كاته‌وه‌‭ ‬كه‌‭ ‬كۆمه‌ك‭ ‬بكرێت‭ ‬و‭ ‬یارمه‌تی‭ ‬بدرێت‭. ‬

رۆژگار‭ ‬ڕۆژگاری‭ ‬ڕووبه‌ڕووبوونه‌وه‌ی‭ ‬بلۆكی‭ ‬كۆمۆنیستییه‌،‭ ‬ئه‌ڵمانیایه‌كی‭ ‬وێران‭ ‬و‭ ‬برسی،‭ ‬برسیتر‭ ‬و‭ ‬بێ‭ ‬نه‌واتر‭ ‬ده‌كه‌یت؟‭ ‬جا‭ ‬چۆن‭ ‬هه‌مووی‭ ‬نابێته‌‭ ‬كۆمۆنیست‭ ‬و‭ ‬كاره‌ساتێكی‭ ‬دیكه‌ی‭ ‬لێ‭ ‬ناكه‌وێته‌وه‌؟‭!‬

ئه‌مه‌ریكا‭ ‬له‌به‌رچاوی‭ ‬شینی‭ ‬ئه‌ڵمانییه‌كان‭ ‬نه‌بوو‭ ‬كه‌‭ ‬پلانی‭ ‬مارشاڵی‭ ‬به‌كار‭ ‬برد‭ ‬و‭ ‬فه‌لسه‌فه‌ی‭ ‬هاوكاریكردنی‭ ‬ئه‌ڵمانیا‭ ‬و‭ ‬ئه‌وروپای‭ ‬گرته‌‭ ‬به‌ر‭ ‬و‭ ‬بره‌وی‭ ‬به‌‭ ‬كۆمه‌ككردنیان‭ ‬دا،‭ ‬به‌ڵام‭ ‬ده‌ره‌نجامه‌كه‌ی‭ ‬خێر‭ ‬و‭ ‬خێراتی‭ ‬له‌وه‌‭ ‬چنییه‌وه‌‭. ‬

چه‌ند‭ ‬ڕۆزێك‭ ‬پێش‭ ‬ئێستا،‭ ‬ئه‌مه‌ریكا‭ ‬به‌‭ ‬پشتبه‌ستن‭ ‬به‌‭ ‬ئه‌ڵمانیا‭ ‬گرێبه‌ستی‭ ‬دامه‌زراندنی‭ ‬زۆنێكی‭ ‬نوێی‭ ‬ئابووری‭ ‬له‌‭ ‬جیهاندا‭ ‬واژۆ‭ ‬كردووه‌‭. ‬

وه‌به‌رهێنان‭ ‬له‌‭ ‬مرۆڤدا‭ ‬به‌رزترین‭ ‬پله‌وپایه‌ی‭ ‬بیركردنه‌وه‌‭ ‬و‭ ‬شێوازه‌كانی‭ ‬په‌ره‌پێدان‭ ‬و‭ ‬شارستانین‭. ‬جیاوازیی‭ ‬نێوان‭ ‬پێشكه‌وتن‭ ‬و‭ ‬په‌ره‌پێدان‭ ‬ئه‌وه‌یه‌‭ ‬كه‌‭ ‬په‌ره‌پێدان‭ ‬مرۆیی‭ ‬و‭ ‬پێشكه‌وتن‭ ‬ڕه‌هه‌نده‌‭ ‬مادییه‌كه‌یه‌تی‭. ‬

له‌‭ ‬هه‌ر‭ ‬شوێنێكی‭ ‬جیهان‭ ‬بێ‭ ‬دادی‭ ‬و‭ ‬بێ‭ ‬نه‌وایی‭ ‬هه‌بێت،‭ ‬نه‌بوونی‭ ‬و‭ ‬برسیه‌تی‭ ‬هه‌بێت،‭ ‬كاره‌سات‭ ‬و‭ ‬ماڵوێرانیش‭ ‬هه‌یه‌‭. ‬غه‌درێكی‭ ‬گه‌وره‌یه‌‭ ‬بگوترێت‭ ‬داعش‭ ‬به‌رهه‌می‭ ‬ئه‌وه‌‭ ‬نییه‌‭!‬

ڕاپۆرتێكی‭ ‬هه‌زار‭ ‬و‭ ‬دووسه‌د‭ ‬لاپه‌ڕه‌ییم‭ ‬له‌به‌رده‌ستدایه‌،‭ ‬سه‌باره‌ت‭ ‬به‌و‭ ‬ڕووداوانه‌یه‌‭ ‬كه‌‭ ‬به‌‭ ‬شۆڕشه‌كانی‭ (‬به‌هاری‭ ‬عه‌ره‌بی‭) ‬ناودێڕ‭ ‬ده‌كرێت‭ ‬و‭ ‬به‌و‭ ‬ده‌ره‌نجامه‌‭ ‬ده‌گات‭ ‬كه‌‭ ‬هۆكاری‭ ‬ئه‌و‭ ‬ڕووداوانه‌‭ ‬خراپیی‭ ‬بارودۆخی‭ ‬ئابووری‭ ‬و‭ ‬بێ‭ ‬دادییه‌‭. ‬كاتێك‭ ‬وه‌ك‭ ‬مرۆڤ‭ ‬مامه‌ڵه‌ت‭ ‬له‌گه‌ڵ‭ ‬نه‌كرێت،‭ ‬بۆ‭ ‬نه‌بیت‭ ‬به‌‭ ‬دڕنده‌؟‭ ‬مرۆڤبوون‭ ‬چ‭ ‬به‌هایه‌كی‭ ‬هه‌یه‌؟

بێ‭ ‬گومان‭ ‬كه‌‭ ‬نه‌بوونی‭ ‬و‭ ‬بێ‭ ‬دادی‭ ‬و‭ ‬برسیه‌تیش‭ ‬هه‌بێت،‭ ‬هه‌زار‭ ‬شه‌یتان‭ ‬خۆی‭ ‬ده‌كاته‌‭ ‬په‌یامبه‌ر‭ ‬و‭ ‬فریشته‌‭ ‬و‭ ‬دۆخی‭ ‬وه‌ها‭ ‬ده‌خولقێنن،‭ ‬ئه‌وه‌ی‭ ‬ئێستا‭ ‬له‌‭ ‬وڵاته‌كانی‭ ‬دوای‭ ‬به‌هاری‭ ‬عه‌ره‌بی‭ ‬ده‌گوزه‌رێت‭ ‬هه‌ر‭ ‬هیچ‭ ‬نه‌بێت‭. ‬

ڕاپۆرته‌كه‌ی‭ ‬گۆڤاری‭ (‬فۆرین‭ ‬ئه‌فیرز‭)‬ی‭ ‬ئه‌مه‌ریكایی‭ ‬سه‌باره‌ت‭ ‬به‌‭ ‬عێراق،‭ ‬تاكه‌‭ ‬یه‌ك‭ ‬بڕگه‌ی‭ ‬بایه‌خی‭ ‬هه‌یه‌‭ ‬كه‌‭ ‬پێشنیار‭ ‬بۆ‭ ‬حكوومه‌تی‭ ‬عێراق‭ ‬ده‌كات‭ ‬گه‌وره‌ترین‭ ‬وه‌به‌رهێنان‭ ‬له‌‭ ‬مرۆڤدا‭ ‬بكات،‭ ‬ئه‌گه‌رچی‭ ‬ئه‌م‭ ‬قسه‌یه‌ش‭ ‬داهێنانی‭ ‬ئه‌و‭ ‬نییه‌،‭ ‬به‌ڵام‭ ‬له‌به‌رئه‌وه‌ی‭ ‬ڕاسته‌،‭ ‬نابێت‭ ‬نكۆڵی‭ ‬لێ‭ ‬بكه‌ین،‭ ‬بەتایبەت‭ ‬كه‌‭ ‬لێره‌دا‭ ‬ئێمه‌‭ ‬بۆ‭ ‬چوونه‌‭ ‬ناو‭ ‬باسێك‭ ‬به‌كاری‭ ‬دێنین‭ ‬كه‌‭ ‬ده‌كرێت‭ ‬ده‌روازه‌ی‭ ‬ڕه‌خنه‌گرتن‭ ‬بێت‭ ‬له‌‭ ‬حكوومه‌تی‭ ‬هه‌رێمی‭ ‬كوردستان،‭ ‬كه‌‭ ‬هیچ‭ ‬باكی‭ ‬به‌مه‌‭ ‬نییه‌‭. ‬

به‌‭ ‬دروشمی‭ ‬چاكسازییه‌وه‌‭ ‬پشت‭ ‬له‌‭ ‬وه‌به‌رهێنانی‭ ‬مرۆڤ‭ ‬ده‌كات‭ ‬و‭ ‬باكی‭ ‬به‌وه‌‭ ‬نییه‌‭ ‬كه‌‭ ‬سه‌رمایه‌ی‭ ‬گه‌وره‌ی‭ ‬هاووڵاتییه‌كانیه‌تی‭ ‬و‭ ‬ئه‌گه‌ر‭ ‬بیاندۆڕێنێت‭ ‬هیچی‭ ‬تری‭ ‬نییه‌‭!‬

سه‌رنج‭ ‬بده‌ن‭ ‬به‌و‭ ‬هه‌موو‭ ‬داگیركاری‭ ‬و‭ ‬به‌هه‌ده‌ردانی‭ ‬زه‌وی‭ ‬و‭ ‬زاره‌وه‌،‭ ‬به‌و‭ ‬پاوانكاری‭ ‬و‭ ‬ده‌ستبه‌سه‌رداگرتن‭ ‬و‭ ‬قۆرغكارییه‌وه‌،‭ ‬به‌و‭ ‬به‌رهه‌مه‌وه‌‭ ‬كه‌‭ ‬كه‌ڵه‌كه‌كردنی‭ ‬سه‌رمایه‌‭ ‬و‭ ‬تاكڕه‌وییه‌،‭ ‬به‌وه‌ی‭ ‬كه‌‭ ‬بووه‌ته‌‭ ‬خێر‭ ‬و‭ ‬بێر‭ ‬بۆ‭ ‬چه‌ند‭ ‬كه‌سێك‭ ‬و‭ ‬سوودیان‭ ‬لێ‭ ‬وه‌رگرتووه‌،‭ ‬به‌‭ ‬هه‌موو‭ ‬گه‌نده‌ڵی‭ ‬و‭ ‬بیرۆكراسیه‌تی‭ ‬ئه‌م‭ ‬حكوومه‌ته‌وه‌،‭ ‬له‌سه‌ر‭ ‬چی‭ ‬هه‌ڵوێسته‌‭ ‬ده‌كات‭ ‬و‭ ‬چی‭ ‬ناو‭ ‬ده‌نێت‭ ‬چاكسازی‭ ‬و‭ ‬له‌‭ ‬كوێوه‌‭ ‬ده‌ست‭ ‬پێ‭ ‬ده‌كات‭ ‬؟‭ !‬

تاكه‌‭ ‬هه‌نگاوی‭ ‬ئه‌وه‌یه‌‭ ‬كه‌‭ ‬په‌یوه‌ندی‭ ‬به‌‭ ‬نانبڕین‭ ‬و‭ ‬بێ‭ ‬دادییه‌وه‌‭ ‬هه‌یه‌؟

ئه‌م‭ ‬وڵاته‌‭ ‬به‌وه‌‭ ‬چاك‭ ‬ده‌بێت‭ ‬هاووڵاتییه‌كانی‭ ‬بێ‭ ‬نان‭ ‬و‭ ‬ئاو‭ ‬بكه‌یت،‭ ‬یان‭ ‬دز‭ ‬و‭ ‬مافیاكان‭ ‬ببه‌یته‌‭ ‬به‌ر‭ ‬دادگا‭ ‬و‭ ‬سه‌رمایه‌‭ ‬دروستكراوه‌كانیان‭ ‬لێ‭ ‬بسێنیته‌وه‌؟

مافی‭ ‬مرۆڤ‭ ‬له‌م‭ ‬سه‌رده‌مه‌دا‭ ‬له‌‭ ‬هه‌ر‭ ‬شوێنێكی‭ ‬گۆی‭ ‬زه‌ویدا‭ ‬بێت،‭ ‬نوایه‌كی‭ ‬هه‌بێت‭ ‬داڵده‌ی‭ ‬بدات‭ ‬و‭ ‬داهاتێكی‭ ‬هه‌بێت‭ ‬به‌شی‭ ‬ژیانی‭ ‬بكات‭. ‬

به‌‭ ‬سه‌دان‭ ‬هه‌زار‭ ‬له‌‭ ‬باشووری‭ ‬گۆی‭ ‬زه‌وییه‌وه‌‭ ‬ڕوو‭ ‬له‌‭ ‬باكووری‭ ‬گۆی‭ ‬زه‌وی‭ ‬ده‌كه‌ن‭ ‬و‭ ‬ئه‌م‭ ‬مافه‌‭ ‬به‌ده‌ست‭ ‬دێنن،‭ ‬ئه‌گه‌ر‭ ‬چانسیان‭ ‬هه‌بێت‭. ‬

به‌‭ ‬سه‌دان‭ ‬هه‌زار‭ ‬ئاواره‌‭ ‬هاتوونه‌ته‌‭ ‬ئه‌م‭ ‬وڵاته‌‭ ‬و‭ ‬ئه‌و‭ ‬مافانه‌یان‭ ‬هه‌یه‌،‭ ‬به‌ڵام‭ ‬هاووڵاتییه‌كی‭ ‬نیشتمانپه‌روه‌ر‭ ‬ئه‌و‭ ‬مافه‌ی‭ ‬نه‌بێت؟‭! ‬تێكۆشه‌ر‭ ‬و‭ ‬پێشمه‌رگه‌‭ ‬و‭ ‬هاووڵاتیی‭ ‬هه‌رێم‭ ‬ئه‌و‭ ‬مافه‌یان‭ ‬نه‌بێت؟‭! ‬به‌‭ ‬ناوی‭ ‬چاكسازییه‌وه‌‭ ‬قووتی‭ ‬ژیانیان‭ ‬ببڕێت؟‭!‬

به‌م‭ ‬شێوازه‌‭ ‬ئێمه‌‭ ‬مرۆڤ‭ ‬له‌بیر‭ ‬ده‌كه‌ین‭ ‬و‭ ‬ده‌رگا‭ ‬به‌سه‌ر‭ ‬بێ‭ ‬دادی‭ ‬و‭ ‬نه‌هامه‌تیدا‭ ‬ده‌كه‌ینه‌وه‌‭. ‬به‌‭ ‬ناوی‭ ‬چاكسازییه‌وه‌‭ ‬پشت‭ ‬له‌‭ ‬وه‌به‌رهێنانی‭ ‬مرۆیی‭ ‬ده‌كه‌ین‭ ‬و‭ ‬وه‌به‌رهێنان‭ ‬له‌‭ ‬شتێكدا‭ ‬ده‌كه‌ین‭ ‬كه‌‭ ‬به‌رژه‌وه‌ندییه‌كه‌ی‭ ‬بۆ‭ ‬كه‌مینه‌یه‌كی‭ ‬كه‌مه‌‭ ‬و‭ ‬دژایه‌تیی‭ ‬زۆرینه‌یه‌ك‭ ‬ده‌كات‭ ‬كه‌‌‭ ‬هاووڵاتییه‌كانمانن‭. ‬

چاكه‌‭ ‬كه‌‭ ‬ده‌بینم‭ ‬به‌پێی‭ ‬ئاماره‌‭ ‬نهێنییه‌كان،‭ ‬خه‌رجییه‌‭ ‬گشتییه‌كان‭ ‬بوونه‌ته‌‭ ‬له‌‭ ‬سه‌دا‭ ‬چل‭ ‬و‭ ‬زۆربه‌ی‭ ‬وه‌زاره‌ته‌كان‭ ‬به‌‭ ‬له‌‭ ‬سه‌دا‭ ‬سی‭ ‬و‭ ‬پێنجی‭ ‬داهاتی‭ ‬جاران‭ ‬به‌ڕێوه‌‭ ‬ده‌چن،‭ ‬به‌ڵام‭ ‬خراپه‌‭ ‬و‭ ‬زۆریش‭ ‬خراپه‌‭ ‬كه‌‭ ‬مرۆڤ‭ ‬فه‌رامۆش‭ ‬ده‌كرێت‭ ‬و‭ ‬ناكرێته‌‭ ‬ته‌وه‌ری‭ ‬سه‌ره‌كیی‭ ‬بابه‌ته‌كه‌‭. ‬كه‌‭ ‬هاووڵاتی‭ ‬وه‌ك‭ ‬چه‌قی‭ ‬هه‌موو‭ ‬پرۆژه‌كه‌‭ ‬سه‌یر‭ ‬ناكرێت‭ ‬و‭ ‬ڕێز‭ ‬له‌‭ ‬ماف‭ ‬و‭ ‬خواست‭ ‬و‭ ‬ویست‭ ‬و‭ ‬پێداویستییه‌كانی‭ ‬ناگیرێت‭. ‬

كورت‭ ‬و‭ ‬پوخت‭ ‬مه‌به‌سته‌كه‌‭ ‬ئه‌وه‌یه‌،‭ ‬كاتێك‭ ‬گوێ‭ ‬له‌‭ ‬پێشنیاره‌‭ ‬باشه‌كان‭ ‬ناگیرێت،‭ ‬بێ‭ ‬گومان‭ ‬ده‌ره‌نجامه‌كان‭ ‬خراپ‭ ‬ده‌بن‭. ‬

داعش‭ ‬ده‌ره‌نجامی‭ ‬بێ‭ ‬دادی‭ ‬و‭ ‬نه‌هامه‌تییه‌‭ ‬به‌رامبه‌ر‭ ‬به‌‭ ‬سوننه‌،‭ ‬ئه‌وه‌ی‭ ‬ئێستاش‭ ‬له‌ژێر‭ ‬عه‌باكه‌ی‭ ‬سه‌دره‌وه‌‭ ‬دێته‌‭ ‬ده‌رێ،‭ ‬ده‌كرێت‭ ‬وه‌ك‭ ‬نموونه‌ی‭ ‬بێ‭ ‬دادی‭ ‬و‭ ‬فه‌رامۆشكردنی‭ ‬شیعه‌‭ ‬سه‌یر‭ ‬بكرێت‭. ‬

له‌‭ ‬كوردستان‭ ‬ئه‌گه‌ر‭ ‬مرۆڤمان‭ ‬فه‌رامۆش‭ ‬كرد‭ ‬و‭ ‬خستمانه‌‭ ‬ژێر‭ ‬باری‭ ‬بێ‭ ‬دادی‭ ‬و‭ ‬نه‌بوونی‭ ‬و‭ ‬نه‌هامه‌تییه‌وه‌،‭ ‬ئه‌بێت‭ ‬چاوه‌ڕوانی‭ ‬ده‌ركه‌وتنی‭ ‬ته‌یرێك‭ ‬بكه‌ین‭ ‬كه‌‭ ‬نموونه‌كه‌ی‭ ‬باشتر‭ ‬نه‌بێت‭ ‬له‌وه‌ی‭ ‬كه‌‭ ‬لای‭ ‬شیعه‌‭ ‬و‭ ‬سوننه‌وه‌‭ ‬هه‌یه‌‭. ‬

بێ‭ ‬گومان‭ ‬هه‌میشه‌‭ ‬ئه‌وه‌ی‭ ‬ده‌یڵێین‭ ‬كه‌متره‌‭ ‬و‭ ‬زۆرتر‭ ‬ئه‌وه‌یه‌‭ ‬كه‌‭ ‬پێویسته‌‭ ‬له‌‭ ‬ئایینده‌دا‭ ‬بگوترێت‭.‬