له‌گه‌ڵ‭ (‬گه‌ردۆز‭)‬دا‭ ‬كوڵاوم

له‌گه‌ڵ‭ ‬ده‌سپێكی‭ ‬ساڵی‭ ‬1989،‭ ‬كه‌‭ ‬هیچ‭ ‬تروسكایی‭ ‬و‭ ‬ئومێدێكم‭ ‬له‌‭ ‬ئاسۆدا‭ ‬نه‌ده‌بینی،‭ ‬رۆژم‭ ‬ده‌خسته‌‭ ‬سه‌ر‭ ‬شه‌و‭ ‬و‭ ‬خۆم‭ ‬دابووه‌‭ ‬ده‌ست‭ ‬قه‌ده‌ر،‭ ‬ئه‌وه‌ی‭ ‬له‌لای‭ ‬من‭ ‬زۆر‭ ‬گرنگ‭ ‬بوو،‭ ‬ئه‌وه‌‭ ‬بوو،‭ ‬كه‌‭ ‬له‌‭ ‬سه‌ربازی‭ ‬دوور‭ ‬بووم،‭ ‬ده‌متوانی‭ ‬خه‌رجیی‭ ‬خۆم‭ ‬دابین‭ ‬بكه‌م‭ ‬و‭ ‬هیچ‭ ‬بارگرانیه‌كم‭ ‬به‌سه‌ر‭ ‬ماڵه‌وه‌‭ ‬نه‌بوو،‭ ‬باوكم‭ ‬جار‭ ‬جار‭ ‬كه‌مه‌‭ ‬یارمه‌تییه‌كی‭ ‬ده‌دام‭.‬

له‌و‭ ‬ماوه‌یه‌دا،‭ ‬هه‌ندێك‭ ‬له‌‭ ‬ناسیاو‭ ‬و‭  ‬خزمی‭ ‬هاوته‌مه‌نی‭ ‬خۆم‭ ‬ژنیان‭ ‬هێنا،‭ ‬هه‌ندێكیان‭ ‬چه‌ند‭ ‬ساڵێك‭ ‬له‌‭ ‬من‭ ‬گچكه‌تر‭ ‬بوون،‭ ‬ئه‌مه‌‭ ‬زۆر‭ ‬كاری‭ ‬له‌‭ ‬دایكم‭ ‬كرد،‭ ‬نه‌ك‭ ‬له‌به‌رئه‌وه‌ی،‭ ‬كه‌‭ ‬چاوی‭ ‬به‌وانه‌‭ ‬هه‌ڵنه‌ده‌هات،‭ ‬به‌ڵكو‭ ‬له‌‭ ‬په‌رۆشی‭ ‬و‭ ‬خه‌مخۆری‭ ‬بوو‭ ‬بۆ‭ ‬من،‭ ‬ناو‭ ‬به‌ناو‭ ‬په‌لارێكی‭ ‬ده‌هاوێشت‭ ‬و‭ ‬ده‌یگوت‭:‬

ـ‭ ‬ئه‌گه‌ر‭ ‬عه‌سكه‌رییه‌كه‌ت‭ ‬كردبا،‭ ‬ئه‌تووش‭ ‬ده‌بوویته‌‭ ‬خاوه‌ن‭ ‬ماڵ‭ ‬و‭ ‬ژنی‭ ‬خۆت‭.‬

منیش‭ ‬له‌سه‌ره‌خۆ‭ ‬وه‌رامم‭ ‬ده‌دایه‌وه‌‭:‬

ـ‭ ‬ئه‌دی‭ ‬ئه‌گه‌ر‭ ‬بكوژرابام‭!.‬

جارجاریش‭ ‬هه‌ر‭ ‬بۆ‭ ‬سوعبه‌ت‭ ‬پێم‭ ‬ده‌گوت‭:‬

ـ‭ ‬باشه‌‭ ‬ئه‌ی‭ ‬ژنهێنان‭ ‬پاره‌ی‭ ‬ناوێت،‭ ‬ئه‌گه‌ر‭ ‬كچێكم‭ ‬دۆزیه‌وه‌،‭ ‬پاره‌مان‭ ‬هه‌یه‌؟

به‌‭ ‬نیمچه‌‭ ‬توڕه‌ییه‌كه‌وه‌‭ ‬ده‌یگوت‭:‬

ـ‭ ‬من‭ ‬له‌به‌ر‭ ‬تۆمه‌،‭ ‬تۆش‭ ‬كه‌یفی‭ ‬خۆته‌‭.‬

ده‌مێك‭ ‬بوو‭ ‬قه‌سیده‌ی‭ (‬گه‌ردۆز‭)‬م‭ ‬له‌به‌رده‌ستدا‭ ‬بوو،‭ ‬ئه‌و‭ ‬قه‌سیده‌یه‌‭ ‬له‌‭ ‬رۆژگاری‭ ‬مامۆستایه‌تیم‭ ‬له‌‭ ‬گوندی‭ ‬لێڕه‌میر‭ ‬له‌دایك‭ ‬بوو،‭ ‬په‌یوه‌ست‭ ‬بوو‭ ‬به‌‭ ‬ئازاری‭ ‬ته‌نیایی‭ ‬و‭ ‬بێبه‌شی،‭ ‬ره‌نگدانه‌وه‌ی‭ ‬نهێنییه‌‭ ‬تایبه‌تیه‌كانی‭ ‬خۆم‭ ‬بوو،‭ ‬ئیسماعیل‭ ‬حه‌مه‌ده‌مین‭ ‬ئه‌و‭ ‬كاته‌‭ ‬قوتابی‭ ‬بوو‭ ‬له‌‭ ‬هه‌ولێر،‭ ‬تۆژینه‌وه‌یه‌كی‭ ‬ده‌رباره‌ی‭ ‬قه‌سیده‌كه‌‭ ‬نووسی‭ ‬له‌‭ ‬كۆڕێكدا،‭ ‬كه‌‭ ‬مه‌حمود‭ ‬زامدار‭ ‬بۆی‭ ‬ساز‭ ‬دا،‭ ‬بابه‌ته‌كه‌ی‭ ‬خوێنده‌وه‌‭ ‬و‭ ‬گفتوگۆی‭ ‬له‌باره‌وه‌‭ ‬كرا،‭ ‬گه‌ردۆز‭ ‬یه‌كه‌م‭ ‬قه‌سیده‌ی‭ ‬درێژه‌،‭ ‬كه‌‭ ‬نووسیبم‭ ‬و‭ ‬زۆر‭ ‬له‌گه‌ڵیدا‭ ‬كوڵاوم‭ ‬و‭ ‬بووه‌ته‌‭ ‬به‌شێك‭ ‬له‌‭ ‬یاده‌وه‌ریم‭.‬

دونیا‭ ‬كۆتایی‭ ‬نه‌هات

هه‌ڵدێر‭ ‬شه‌و‭ ‬كوژه‌

ئه‌ی‭ ‬شه‌پۆڵه‌‭ ‬گه‌وره‌كان‭ ‬راپێچمان‭ ‬ده‌ن

ژنی‭ ‬گه‌ڕۆك،‭ ‬پیاوی‭ ‬چه‌قیو‭ ‬زوو‭ ‬بن

تاوێكی‭ ‬تر‭ ‬خۆر‭ ‬هه‌ڵدێت

سه‌ربورده‌ی‭ ‬سووتانی‭ ‬شیعر‭ ‬

بۆ‭ ‬شاری‭ ‬چیرۆك‭ ‬و‭ ‬رۆمان‭ ‬ده‌گێڕێته‌وه‌

منم‭ ‬داستانی‭ ‬شێلانی‭ ‬ره‌شه‌گیا

ده‌نووسمه‌وه‌

چاوقوچانێكه‌‭.. ‬مردن‭ ‬یا‭ ‬شیعر

خاتوونێك

پووش‭ ‬و‭ ‬په‌رێز‭ ‬ده‌سووتێنێ

شووشه‌‭ ‬و‭ ‬مینای‭ ‬په‌نجه‌ران

خوناوباران‭ ‬ده‌كا

خاتوونێك

خه‌وی‭ ‬لێ‭ ‬ده‌هه‌ڕمێ

وه‌ستانێك‭ ‬ده‌به‌خشێته‌‭ ‬ئه‌و‭ ‬ساتانه‌ی

كه‌‭ ‬وه‌ستانیان‭ ‬پیرۆزتری‭ ‬كردوون

كه‌شت‭ ‬بوو‭ ‬

چه‌شنی‭ ‬سۆته‌كی‭ ‬جگه‌ره‌ی‭ ‬لالێوی

كابرایه‌كی‭ ‬ئاشقه‌بارانی‭ ‬كۆتایی‭ ‬هات

بووه‌‭ ‬خۆڵه‌مێش

تینوێتی،‭ ‬دابڕین،‭ ‬نازی‭ ‬چیای‭ ‬رووته‌ن

تاشه‌به‌ردی‭ ‬كلۆر،‭ ‬ژنی‭ ‬پیاوانی،‭ ‬پیاوانی‭ ‬ژنانی

كامیان؟

زیخماڵ‭ ‬و‭ ‬ورده‌به‌رد‭ ‬دابه‌زین

شاڕێیه‌كان‭ ‬شۆرانه‌وه‌

كێ‭ ‬ماوه‌

كێ‭ ‬زیندووه‌،‭ ‬كێ‭ ‬مردووه‌

ژنه‌‭ ‬داركه‌ره‌كان‭ ‬به‌‭ ‬خامۆشی‭ ‬تێپه‌ڕین

ئه‌وه‌‭ ‬كامیانه‌؟

گۆڕی‭ ‬سه‌ر‭ ‬دنیامه‌

یا‭ ‬هۆده‌‭ ‬به‌‭ ‬ره‌ژوو‭ ‬سواخدراوه‌كه‌یه‌

كوڕێك‭ ‬ژنێك‭ ‬كیژێك

پیاوێك‭ ‬جیابوونه‌وه‌

شه‌وێكی‭ ‬سارد‭ ‬بیرم‭ ‬كردن

دڵۆپی‭ ‬ئه‌سرینی‭ ‬سوێرم

رژانده‌‭ ‬سه‌ر‭ ‬بانی‭ ‬هۆده‌كه‌

له‌و‭ ‬گۆماوه‌‭ ‬ئاو‭ ‬نامبا

به‌‭ ‬فریشتان‭ ‬پێ‭ ‬ده‌كه‌نم

سێبه‌ر‭ ‬قوڵه‌،‭ ‬زه‌مین‭ ‬ئاوه‌ڕوت

به‌‭ ‬تاوانی‭ ‬ئه‌وپه‌ڕی‭ ‬له‌زه‌ت‭ ‬له‌‭ ‬دار‭ ‬ده‌درێین

خۆشه‌‭ ‬به‌‭ ‬گولله‌ی‭ ‬گه‌رمه‌وه‌‭ ‬بناڵی

له‌م‭ ‬چه‌رخه‌‭ ‬كێم‭ ‬تێزاوه‌دا‭ ‬كێ‭ ‬داڵده‌م‭ ‬ده‌دا

ئه‌ی‭ ‬خه‌می‭ ‬گچكه‌

چۆن‭ ‬له‌‭ ‬نێوان‭ ‬ئازاری‭ ‬تۆ‭ ‬و‭ ‬

ژنه‌‭ ‬بچوكه‌كه‌دا‭ ‬ره‌وت‭ ‬بكه‌م

دارمازوو‭ ‬جێم‭ ‬بكه‌وه‌

له‌ژێر‭ ‬پنجه‌گیا‭ ‬سڕه‌‭ ‬لێدراوه‌كانی‭..‬

ژێر‭ ‬پێتدا‭ ‬ده‌نووم

بممژه‌

هه‌تا‭ ‬ده‌بمه‌وه‌‭ ‬ئاو

جێماو

له‌گه‌ڵ‭ ‬تارمایی‭ ‬و‭ ‬له‌زه‌تدا‭ ‬ده‌ڕژم

تۆ‭ ‬كوێستان‭ ‬و‭ ‬فێنكایی

گه‌رمه‌سێر‭ ‬و‭ ‬بیابان

مه‌زنیت‭ ‬چاوت‭ ‬بخه‌وه‌‭.. ‬كه‌سكه‌

بخزێ‭ ‬بۆ‭ ‬ناو‭ ‬كاره‌ساتی‭ ‬مانه‌وه‌

تۆ‭ ‬خوشكه‌‭ ‬ناوه‌نجییه‌كه‌م‭ ‬نیت

‭***‬

دووباره‌‭.. ‬ده‌باره‌

هێزێك‭ ‬ده‌مبێژێ

فڕێم‭ ‬ده‌داته‌‭ ‬ناو‭ ‬گه‌رووی

ئه‌شق‭ ‬و‭ ‬ته‌رم‭ ‬و‭ ‬سه‌رسامی

ئه‌و‭ ‬شه‌وانه‌ی‭ ‬له‌گه‌ڵ‭ ‬په‌ڵه‌هه‌وران

شه‌و‭ ‬له‌وه‌ڕم‭ ‬كرد

ترسێكی‭ ‬خۆش‭ ‬و‭ ‬تاریكاییه‌كی‭ ‬به‌له‌زه‌ت‭ ‬بوو

كوڕه‌‭ ‬داڕوخاوه‌كه‌شم‭ ‬بینی

به‌ره‌به‌یان‭ ‬به‌ناو‭ ‬ته‌مێكی‭ ‬خه‌ستی‭ ‬سپیدا

ره‌ت‭ ‬ده‌بوو

بۆ‭ ‬وه‌رد‭ ‬و‭ ‬پاوان‭ ‬و‭ ‬په‌رێز‭ ‬ده‌گریا

تێكخزان‭ ‬و‭ ‬تێكبه‌ربوونی‭ ‬شته‌كان

ده‌مژینێ

ده‌ڕوانمه‌‭ ‬به‌ژنی‭ ‬ئه‌و‭ ‬شۆڕه‌بیه‌ی

به‌تاقی‭ ‬ته‌نێ‭ ‬

له‌‭ ‬دووریی‭ ‬گوندی

سه‌ری‭ ‬كردووه‌ته‌‭ ‬سه‌ر‭ ‬تاشه‌به‌ردێ

گه‌ڵاكانی

وه‌ك‭ ‬تووكی‭ ‬سه‌رم

ده‌وه‌رێن

‭***‬

له‌گه‌ڵ‭ ‬بوونما‭ ‬ده‌ریا‭ ‬كه‌وته‌‭ ‬دوان

ئه‌و‭ ‬ئافره‌ته‌ی‭ ‬ته‌نیا‭ ‬و‭ ‬نه‌زۆكه‌،‭ ‬له‌‭ ‬لێوارێ‭ ‬جگه‌ره‌‭ ‬ده‌كێشێ

ئه‌و‭ ‬نووسه‌ره‌ی‭ ‬له‌ناو‭ ‬پاپۆڕێكی‭ ‬بازرگانیدا‭ ‬خزمه‌تكاره‌

وا‭ ‬گه‌ییمه‌‭ ‬سێبه‌ری‭ ‬خۆم

بۆ‭ ‬ئه‌وه‌ی‭ ‬مێژوو‭ ‬راچڵه‌كێ،‭ ‬ده‌یگێڕمه‌وه‌

ئاسۆس‭ ‬له‌سه‌ر‭ ‬په‌ڵی‭ ‬هه‌موو‭ ‬ساڵێكدا

له‌‭ ‬گوندێكی‭ ‬نزیكه‌‭ ‬شار‭ ‬

سه‌یری‭ ‬قه‌ڵاو‭ ‬مناره‌ی‭ ‬ده‌كرد

چه‌ندان‭ ‬ئه‌ستێره‌م‭ ‬ماچ‭ ‬كرد

ئێستا‭ ‬هه‌ست‭ ‬ده‌كه‌م‭ ‬هه‌م

كاتی‭ ‬خۆی‭ ‬ئه‌وه‌نده‌م‭ ‬رامبۆ‭ ‬خوێنده‌وه‌

ژنه‌‭ ‬دراوسێكه‌مان

ده‌م‭ ‬ده‌خاته‌‭ ‬ناو‭ ‬ده‌می‭ ‬هه‌تیوه‌كه‌ی

فرمێسكه‌كانی

پێش‭ ‬ئه‌وه‌ی‭ ‬بكه‌ونه‌‭ ‬خواره‌وه‌

ماچێكی‭ ‬گه‌رمی‭ ‬چاوه‌كانی‭ ‬ده‌كه‌ن

دایكێ‭ ‬بمخه‌وێنه‌

له‌‭ ‬تاریكترین‭ ‬كونجی‭ ‬دڵتا

به‌دوای‭ ‬ئه‌و‭ ‬ئیقاعه‌دا‭ ‬ده‌گه‌ڕێم

كه‌‭ ‬بمخاته‌‭ ‬هه‌له‌كه‌‭ ‬سه‌ما

بسووتێ‭ ‬خۆڵه‌مێشی‭ ‬جه‌سته‌ت‭ ‬چێژه‌

ماچم‭ ‬كه‌‭ ‬به‌سه‌ر‭ ‬گیانی‭ ‬له‌خۆبوردی‭ ‬گرداندا

بمگێڕه‌‭ ‬چه‌ندم‭ ‬خۆشده‌ویستن

ئه‌و‭ ‬چركانه‌ی‭ ‬بروسكه‌‭ ‬بوون

له‌‭ ‬هه‌ناومیان‭ ‬ده‌دا

ئه‌و‭ ‬ژنانه‌ی‭ ‬ره‌شئه‌سمه‌ر‭ ‬بوون

سمتیان‭ ‬خڕ‭ ‬بوو

چاویان‭ ‬مۆن‭ ‬بوو

‭***‬

ئه‌و‭ ‬شێته‌‭ ‬زۆری‭ ‬جگه‌ره‌‭ ‬ده‌كێشا

وا‭ ‬بووین‭ ‬به‌‭ ‬یه‌ك‭ ‬تێم‭ ‬هه‌ڵده‌ن

جاده‌یێ‭ ‬هه‌یه‌‭. ‬بمقۆزنه‌وه‌

هات‭ ‬وه‌ك‭ ‬ئه‌و‭ ‬جوانه‌‭ ‬پڕ‭ ‬مێیناتیه‌ی

به‌دیل‭ ‬ده‌گیرێ

وه‌ك‭ ‬ئه‌و‭ ‬رێیه‌‭ ‬دووره‌ی

له‌‭ ‬گوندێكی‭ ‬دووردا

مه‌له‌ی‭ ‬تێدا‭ ‬ده‌كه‌ین

‭***‬

وتیان‭ ‬دایكت‭ ‬مرد

به‌‭ ‬ماتیه‌كه‌وه‌

سه‌یری‭ ‬حه‌شاماته‌كه‌ی‭ ‬كرد

باران‭ ‬كۆڵێ‭ ‬خه‌می‭ ‬تری‭ ‬بۆ‭ ‬هێنا

كیژه‌،‭ ‬خزایه‌‭ ‬ناو‭ ‬چامه‌كه‌

با‭ ‬نه‌ترسێت،‭ ‬من‭ ‬دوڕیان

كیژه‌‭ ‬چه‌م‭ ‬كامه‌یان‭ ‬خامۆشتره‌

ئه‌و‭ ‬لاپاڵه‌ی‭ ‬كه‌‭ ‬به‌فر‭ ‬نایگرێته‌وه‌

یان‭ ‬گۆڕه‌كه‌ت

با‭ ‬بكوڵێین

له‌‭ ‬رۆژێكی‭ ‬روحسووكی‭ ‬ئاداردا

قیڕوسیاش‭ ‬له‌‭ ‬گه‌ردوون

دیسان‭ ‬روانینه‌،‭ ‬توانه‌وه‌یه‌

به‌فر‭ ‬و‭ ‬باران‭ ‬پێ‭ ‬شه‌ونمی‭ ‬هه‌ڵگرتووه‌

وه‌ك‭ ‬مردنی‭ ‬نێو‭ ‬ژیانم‭ ‬

دیسان‭ ‬هه‌نگاوی‭ ‬له‌رزۆكاوی

رووه‌و‭ ‬كه‌وڕ‭ ‬و‭ ‬نزاری‭ ‬ته‌ماوی‭ ‬ده‌هاوێم

ئه‌ی‭ ‬مردنی‭ ‬پڕ‭ ‬خۆشی‭ ‬كه‌ی‭ ‬دێی

شته‌كان‭ ‬كه‌مێك‭ ‬غه‌ریبتر‭ ‬له‌‭ ‬روانینه‌كانی‭ ‬ئه‌وسام

دێنه‌‭ ‬ناو‭ ‬ناخمه‌وه‌

لێرانه‌دا‭ ‬مه‌زنتر،‭ ‬نه‌ك‭ ‬نازدارتر

له‌‭ ‬چێشته‌نگاوان‭ ‬راده‌مێنم

هاوئازارن

وشكبوونه‌وه‌‭ ‬لێرانه‌

ته‌ڕبوونه‌وه‌ی‭ ‬له‌وێ

ژیان،‭ ‬مردن‭ ‬وێك‭ ‬ده‌چن

ئه‌ی‭ ‬خواوه‌ندی‭ ‬گه‌وره‌

با‭ ‬له‌‭ ‬یه‌ك‭ ‬بچین

گیانم‭ ‬باوێژه‌

دوو‭ ‬جه‌سته‌ی‭ ‬تواوه‌‭ ‬و‭ ‬تێكئاڵاو

به‌سه‌ریا‭ ‬هه‌ڵده‌گه‌ڕێن

له‌گه‌ڵ‭ ‬برای‭ ‬جوانی‭ ‬په‌رستما

ئێواره‌یه‌ك‭ ‬ده‌سووتێین

چركه‌یێ‭ ‬به‌رله‌وه‌ی

یه‌كجاری‭ ‬بچمه‌‭ ‬ناو‭ ‬هیچه‌وه‌

چاوه‌كانم‭ ‬له‌جیاتی‭ ‬دایكم،‭ ‬خوشكم

ده‌زگیران

ژنێكی‭ ‬لاده‌ر،‭ ‬یان‭ ‬شێتێكی‭ ‬سه‌ر‭ ‬جاده‌

ماچیان‭ ‬ده‌كات

زۆران‭ ‬وه‌كو‭ ‬جاران

چاوه‌ڕوانی‭ ‬هه‌ڵپه‌ڕینه‌‭ ‬شێتانییه‌كه‌م‭ ‬ده‌كه‌م

ده‌سبینم‭ ‬خه‌ونه‌‭ ‬یان‭ ‬وه‌ئاگام

پاش‭ ‬ئه‌وه‌ی‭ ‬رۆژ

له‌سه‌ر‭ ‬دوندی‭ ‬شاخه‌كه‌‭ ‬وه‌ستا

كڕنووشی‭ ‬برد

خۆی‭ ‬به‌م‭ ‬چۆڵه‌وانیه‌‭ ‬ناساند

دۆمه‌كان‭ ‬دوای‭ ‬ماندووبوونێكی‭ ‬بێ‭ ‬ئاكام

لای‭ ‬من‭ ‬نیوه‌ڕۆژیان‭ ‬كرد

قه‌وماوه‌‭ ‬ماتییه‌‭ ‬خامۆشییه‌

یا‭ ‬میهره‌بانی‭ ‬یه‌زدانه‌

به‌م‭ ‬ناوه‌خته‌

به‌سه‌ر‭ ‬لاشان‭ ‬و‭ ‬لاملی‭ ‬ئه‌م‭ ‬هه‌رێمه‌دا

په‌رت‭ ‬بووه‌

دۆسته‌،‭ ‬دوژمنه‌

سۆزێكی‭ ‬مه‌زن،‭ ‬رقێكی‭ ‬ئه‌ستوور

ده‌خاته‌‭ ‬دڵمه‌وه‌

ناترسم،‭ ‬ته‌مه‌نم‭ ‬خۆڵه‌مێشیه‌

پێشی‭ ‬خه‌وتنان

ژنێك‭ ‬به‌سه‌ر‭ ‬سپیلتیدا‭ ‬ده‌یڕشێنێ

كێ‭ ‬به‌شداریی‭ ‬ئه‌م‭ ‬حاڵه‌ته‌م‭ ‬ده‌كا

به‌فر،‭ ‬له‌‭ ‬خۆی‭ ‬سپیتر

گه‌رمتر،‭ ‬بماننه‌خشێنێ

بسووتێین

بڕه‌نجێین

ماتییه‌

خامۆشییه‌

دۆسته‌

دوژمنه‌

یه‌زدانه‌

سۆزه‌

ژنه‌

رقه‌

عه‌شقه‌

یان‭ ‬نیو‭ ‬پێكی‭ ‬هه‌ڵبزڕكاوه‌

نۆشی‭ ‬ده‌كه‌م

ئه‌مڕۆ‭ ‬پێنجشه‌مه‌یه‌

زیاد‭ ‬له‌‭ ‬جاران‭ ‬غه‌ریبیم‭ ‬هه‌ڵده‌ستێ

ته‌یر‭ ‬و‭ ‬توار

به‌لای‭ ‬كۆنه‌‭ ‬هه‌وران‭ ‬تێده‌په‌ڕن

پانه‌سه‌ر

شاخه‌‭ ‬هاوده‌مه‌كه‌ی‭ ‬جارانم

دوور‭ ‬دوور

له‌ناو‭ ‬ته‌مێكی‭ ‬رووندا‭ ‬دیاره‌

بۆنی‭ ‬عه‌ردی‭ ‬گه‌رم‭ ‬ده‌كه‌م

بوومه‌‭ ‬هه‌وری‭ ‬گرمۆڵه‌بووی‭ ‬قه‌د‭ ‬چیا

پێیوه‌‭ ‬ڕاهاتوین،‭ ‬لێكتر‭ ‬نه‌بینه‌وه‌

تا‭ ‬گه‌ردۆزێكی‭ ‬تر‭ ‬خوات‭ ‬له‌گه‌ڵ