زۆرە دەسگرتەکردنی ژنانی ئێزیدی

‭ ‬خەمێی‭  ‬15‭ ‬ساڵ‭ ‬خەڵکی‭ ‬دێی‭ ‬کوڕە‭ ‬عەبدۆی‭ ‬ناوچەی‭ ‬شنگاله‌‭. ‬بەبێ‭ ‬دایک‭ ‬و‭ ‬باوک‭ ‬گەورە‭ ‬بووە،‭ ‬باوکی‭ ‬مردووە‭ ‬و‭ ‬دایکی‭ ‬شووی‭ ‬کردووەتەوە‭ ‬و‭ ‬سێ‭ ‬برا‭ ‬و‭ ‬خوشکێکى‭ ‬هەن،‭ ‬براکانى‭ ‬كە‭ ‬پزیشک‭ ‬و‭ ‬ئەندازیارن‭ ‬بێ‭ ‬سەروشوێنن‭ ‬و‭ ‬خوشکەکەیشی‭ ‬دواى‭ ‬خۆی‭ ‬لەدەستی‭ ‬داعش‭ ‬رزگاری‭ ‬بووە‭ ‬و‭ ‬گەڕاوەتەوە‭ ‬کوردستان‭. ‬جەخت‭ ‬لەسەر‭ ‬تەمەنەكەى‭ ‬دەکەمەوە،‭ ‬چونكە‭ ‬بە‭ ‬جەستە‭ ‬و‭ ‬رووخسار‭ ‬لە‭  ‬10‭ ‬ساڵى‭ ‬دەچێت،‭ ‬نەک‭ ‬پازدە‭. ‬

ائەوسا‭ ‬ئەوەندە‭ ‬لاواز‭ ‬نەبووم،‭ ‬بەس‭ ‬لەوێ‭ ‬لە‭ ‬برسان‭ ‬و‭ ‬لەژێر‭ ‬سزا‭ ‬و‭ ‬لێداندا‭ ‬وام‭ ‬لێ‭ ‬هاتب‭. ‬رووخساری‭ ‬زیاتر‭ ‬لە‭ ‬ئێرلەندی‭ ‬دەچێت‭ ‬هەتا‭ ‬کورد‭. ‬لە‭ ‬یەکەم‭ ‬نیگادا‭ ‬زیرەکییەکی‭ ‬بێ‭ ‬سنووری‭ ‬لە‭ ‬چاو‭ ‬و‭ ‬سیمادا‭ ‬بەدی‭ ‬دەکرێت،‭ ‬تۆ‭ ‬ئەگەر‭ ‬مامۆستا‭ ‬بیت‭ ‬و‭ ‬یەکەم‭ ‬جار‭ ‬بچیتە‭ ‬پۆلەوە،‭ ‬یەکەم‭ ‬نیگات‭ ‬دەکەوێتە‭ ‬سەر‭ ‬رووخسارى‭ ‬قوتابییەكان،‭ ‬منیش‭ ‬نیگام‭ ‬کەوتە‭ ‬سەر‭ ‬رووخسارى‭ ‬خەمێ‭.‬

خەمێ‭ ‬لەو‭ ‬جۆرانەیە‭ ‬کە‭ ‬دەڵێیت‭ ‬ئەمەیە‭ ‬ئومێدی‭ ‬پۆلەکە‭. ‬هەمیشە‭ ‬زەردەخەنەی‭ ‬لەسەر‭ ‬لێوە،‭ ‬خەم‭ ‬لە‭ ‬چاوەکانیەوە‭ ‬سەرەتاتکێ‭ ‬دەکات،‭ ‬بەڵام‭ ‬زیرەکی‭ ‬و‭ ‬پاكییەكەی‭ ‬بەسەریدا‭ ‬زاڵە‭. ‬پاکییەکی‭ ‬منداڵانە‭ ‬لە‭ ‬چاوەکانیەوە‭ ‬تیشك‭ ‬دەدات،‭ ‬کە‭ ‬ئەو‭ ‬جۆرەم‭ ‬پێشتر‭ ‬لە‭ ‬کەسێکدا‭ ‬نەبینیوە‭ ‬لە‭ ‬تەمەنی‭ ‬ئەودا‭ ‬بێت،‭ ‬بۆیە‭ ‬دەپرسم،‭ ‬ژیان‭ ‬پێشتر‭ ‬لای‭ ‬تۆ‭ ‬چی‭ ‬بوو؟

‭- ‬نازانم،‭ ‬من‭ ‬بەس‭ ‬دەمزانی‭ ‬بچم‭ ‬بۆ‭ ‬قوتابخانە،‭ ‬نەمدەزانی‭ ‬خەڵکی‭ ‬وا‭ ‬هەیە‭ ‬و‭ ‬ژیان‭ ‬ئاوایە‭.‬

باسکردنی‭ (‬خەڵکی‭ ‬وا‭) ‬و‭ (‬ژیانی‭ ‬ئاوا‭)‬،‭ ‬خەڵکی‭ ‬بەو‭ ‬شێوەیە‭ ‬و‭ ‬ژیانی‭ ‬بەو‭ ‬شێوەیە‭ ‬بە‭ ‬چەندین‭ ‬کتێب‭ ‬کۆتایی‭ ‬نایەت‭. ‬لەتەک‭ ‬خەمێ‭ ‬دەبێت‭ ‬بۆ‭ ‬ئێستا‭ ‬بەرد‭ ‬بخەینە‭ ‬سەر‭ ‬ئەم‭ ‬خەمەیان‭. ‬وەکو‭ ‬خۆی‭ ‬دەڵێت،‭ ‬ماڵیان‭ ‬نزیکی‭ ‬شاخ‭ ‬بووە‭ ‬و‭ ‬کاتێک‭ ‬داعش‭ ‬دێتە‭ ‬دێیەکەیان،‭ ‬بە‭ ‬شەش‭ ‬ئۆتۆمبێل‭ ‬دێیەکەیان‭ ‬تاڵان‭ ‬ئەکەن‭ ‬و‭ ‬هەرچییان‭ ‬هەیە‭ ‬دەیبەن‭. ‬ئەوان‭ ‬نزیکەی‭  ‬100‭ ‬کەس‭ ‬بووینە‭ ‬و‭ ‬هەمووشیان‭ ‬خزمى‭ ‬یەكتر‭ ‬بووینە،‭ ‬ماڵی‭ ‬مام‭ ‬و‭ ‬پوورەکانی‭ ‬هەموو‭ ‬لەوێ‭ ‬ژیاون‭+ ‬اقاچی‭ ‬پیاوەکانیان‭ ‬بەستەوە،‭ ‬ژن‭ ‬لە‭ ‬شوێنێک‭ ‬و‭ ‬پیاویشیان‭ ‬لە‭ ‬شوێنێکدا‭ ‬بەند‭ ‬کردنب‭. ‬پاشان‭ ‬بەرەو‭ ‬دێى‭ ‬سیبا‭ ‬شێخ‭ ‬خدر‭ ‬دەیانبەن،‭ ‬شەوێک‭ ‬لەوێ‭ ‬بەند‭ ‬دەکرێن‭ ‬و‭ ‬چەندین‭ ‬جار‭ ‬دێنە‭ ‬ناویان‭ ‬و‭ ‬داوایان‭ ‬لێ‭ ‬دەکەن‭ ‬ئایینی‭ ‬خۆیان‭ ‬بگۆڕن،‭ ‬ئەگەر‭ ‬نا‭ ‬دەیانکوژن‭: ‬انازانین‭ ‬چییان‭ ‬لە‭ ‬پیاوەکان‭ ‬کرد،‭ ‬بەڵام‭ ‬ئێمەى‭ ‬ژن‭ ‬و‭ ‬کچەکانیان‭ ‬بردین‭ ‬و‭ ‬لە‭ ‬دامێنی‭ ‬شاخی‭ ‬شنگال‭ ‬دەستبەسەریان‭ ‬كردین‭. ‬هەزاران‭ ‬کەس‭ ‬لەوێدا‭ ‬کۆ‭ ‬کرابوونەوە،‭ ‬شەو‭ ‬پاسی‭ ‬گەورەیان‭ ‬هێنا‭ ‬و‭ ‬ئێمەیان‭ ‬برد‭ ‬بۆ‭ ‬تەلەعفەر‭ ‬و‭ ‬لە‭ ‬قوتابخانەیەکەدا‭ ‬بۆ‭ ‬یەک‭ ‬شەو‭ ‬دایانناین،‭ ‬خەڵکەکە‭ ‬ئەوەندە‭ ‬زۆر‭ ‬بوون،‭ ‬هەرسێ‭ ‬نهۆمی‭ ‬قوتابخانەکە‭ ‬و‭ ‬تەنانەت‭ ‬حەوشەکەش‭ ‬پڕ‭ ‬بووبوو‭ ‬لە‭ ‬خەڵکب‭. ‬

پاشان‭ ‬دەیانبەن‭ ‬بۆ‭ ‬مووسڵ‭ ‬و‭ ‬پاش‭ ‬ئەوەی‭ ‬منداڵە‭ ‬نێرینەکان‭ ‬لە‭ ‬شەش‭ ‬ساڵى‭ ‬بۆ‭ ‬سەرەوە‭ ‬دەبەن،‭ ‬دواتر‭ ‬ژنە‭ ‬بەتەمەنەکان‭ ‬و‭ ‬پاشان‭ ‬ژنى‭ ‬بە‭ ‬منداڵ‭ ‬دەبەن‭ ‬و‭ ‬تەنها‭ ‬کچەکان‭ ‬دەمێننەوە‭. ‬بەرلەوەی‭ ‬کچەکان‭ ‬ببەن،‭ ‬ئەو‭ ‬شەوە‭ ‬فڕۆکە‭ ‬ئەو‭ ‬شوێنەى‭ ‬کە‭ ‬تێیدا‭ ‬بەند‭ ‬کرابوون‭ ‬بۆمباباران‭ ‬دەکات،‭ ‬بۆیە‭ ‬جارێکی‭ ‬دی‭ ‬دەیانگەڕێننەوە‭ ‬بۆ‭ ‬تەلەعفەر‭ ‬و‭ ‬لە‭ ‬هەمان‭ ‬قوتابخانەدا‭ ‬دایان‭ ‬دەنێن‭: ‬ائەمجارە‭ ‬کۆمەڵێک‭ ‬داعشی‭ ‬دار‭ ‬بەدەست‭ ‬هاتن‭ ‬و‭ ‬هەر‭ ‬کچەى‭ ‬جوان‭ ‬بوایە‭ ‬دەیانگوت‭ ‬تۆ‭ ‬وەرە،‭ ‬61‭ ‬کچیان‭ ‬لێ‭ ‬هەڵبژاردین‭ ‬و‭ ‬بۆ‭ ‬موسڵیان‭ ‬بردین،‭ ‬دەرگای‭ ‬ماڵێکی‭ ‬مەسیحییان‭ ‬شکاند،‭ ‬ماڵێکی‭ ‬گەورە‭ ‬بوو،‭ ‬داگیریان‭ ‬کرد‭ ‬و‭ ‬شەوێک‭ ‬لەوێ‭ ‬ماینەوە‭ ‬و‭ ‬بەیانی‭ ‬بۆ‭ ‬رەقەى‭ ‬سووریایان‭ ‬بردین،‭ ‬60‭ ‬کچی‭ ‬دیكەشیان‭ ‬لە‭ ‬پاسێکی‭ ‬دیکەدا‭ ‬هێنابوون،‭ ‬ئەوانیشیان‭ ‬لەگەڵ‭ ‬ئێمەدا‭ ‬بردب‭.‬

بەو‭ ‬پێیەى‭ ‬اخەمێب‭ ‬باسی‭ ‬دەکات،‭ ‬ژمارەی‭ ‬ئەو‭ ‬کچە‭ ‬ئێزیدییانەی‭ ‬لە‭ ‬تەلەعفەرەوە‭ ‬بردوویانن‭ ‬121‭ ‬کچ‭ ‬بوونە،‭ ‬بەڵام‭ ‬کاتێک‭ ‬لە‭ ‬رەقە‭ ‬دەیانبەنە‭ ‬هۆڵێکی‭ ‬گەورە،‭ ‬ژمارەیەکی‭ ‬زۆری‭ ‬دیكەیش‭ ‬کچی‭ ‬لێ‭ ‬دەبێت‭: ‬اهەموویان‭ ‬ئێزیدی‭ ‬بوون،‭ ‬داعشەکان‭ ‬ڕۆژانە‭ ‬دەهاتن،‭ ‬سەرەتا‭ ‬منداڵى‭  ‬10‭ ‬ساڵى‭ ‬بۆ‭  ‬13‭ ‬ساڵییان‭ ‬دەبردن،‭ ‬پاشان‭ ‬لە‭ ‬14‭ ‬بۆ‭  ‬20‭ ‬ساڵى،‭ ‬من‭ ‬خۆم‭ ‬بەر‭ ‬ئەو‭ ‬وەجبەیە‭ ‬کەوتم،‭ ‬گرووپێکیان‭ ‬دەفرۆشت‭ ‬و‭ ‬گرووپێکی‭ ‬دیکەى‭ ‬کچانیان‭ ‬دەهێنا،‭ ‬ئەوانەی‭ ‬جوان‭ ‬نەبوون‭ ‬كەس‭ ‬نەیدەکڕین،‭ ‬لەبەر‭ ‬ئەوە‭ ‬پاسەوانەکان‭ ‬بە‭ ‬خراپی‭ ‬سزایان‭ ‬دەدان‭ ‬و‭ ‬لێیان‭ ‬دەدان‭ ‬و‭ ‬دەستدرێژییان‭ ‬دەکردە‭ ‬سەریانب‭.‬

‭- ‬ئەو‭ ‬هۆڵەى‭ ‬ئەوێ‭ ‬چۆن‭ ‬بوو؟

خه‌مێ‭ ‬گوتی‭: ‬سهۆڵێکی‭ ‬گەورەی‭ ‬دوو‭ ‬نهۆمى‭ ‬بوو،‭ ‬لەسەری‭ ‬نووسرابوو‭ ‬میسر،‭ ‬لەناو‭ ‬دارستانێکدا‭ ‬بوو‭ ‬ئاوێک‭ ‬بە‭ ‬بەردەمیدا‭ ‬دەڕۆشت‭. ‬کەسێکی‭ ‬کەمئەندام،‭ ‬والیی‭ ‬حمس‭ ‬و‭ ‬خەڵکی‭ ‬ئەدلە‭ ‬بوو،‭ ‬من‭ ‬و‭ ‬خوشکەکەم‭ ‬و‭ ‬وئامۆزاکەمی‭ ‬کڕی،‭ ‬لە‭ ‬ماڵەکەیدا‭ ‬چوار‭ ‬ڕۆژ‭ ‬دەرگای‭ ‬لەسەر‭ ‬داخستین،‭ ‬کە‭ ‬ئێمە‭ ‬گەیشتین‭ ‬4‭ ‬کچی‭ ‬دیكەیشیان‭ ‬بۆ‭ ‬هێنابوو،‭ ‬بەرگی‭ ‬داعشیان‭ ‬پێ‭ ‬لەبەر‭ ‬کردین‭ ‬و‭ ‬من‭ ‬و‭ ‬خوشکەکەمیان‭ ‬برد‭ ‬بۆ‭ ‬بینایەکی‭ ‬تاریک،‭ ‬6ی‭ ‬بەیانی‭ ‬بۆ‭ ‬دیمەشقیان‭ ‬بردین،‭ ‬کەسێکی‭ ‬شیشانیی‭ ‬قرژن‭ ‬لێى‭ ‬پرسیم‭ ‬ئینگلیزی‭ ‬دەزانی‭ ‬گوتم‭ ‬نا،‭ ‬گوتی‭ ‬تورکی‭ ‬دەزانی‭ ‬گوتم‭ ‬نا،‭ ‬عەرەبی‭ ‬دەزانى‭ ‬گوتم‭ ‬نا،‭ ‬کەسێک‭ ‬هات‭ ‬تەمەنی‭ ‬60‭ ‬ساڵ‭ ‬دەبوو‭ ‬خەڵکی‭ ‬مە‌غریب‭ ‬بوو،‭ ‬مەتبەخەکەیان‭ ‬زۆر‭ ‬پیس‭ ‬بوو،‭ ‬گوتیان‭ ‬دوایی‭ ‬پاکی‭ ‬بکەرەوە،‭ ‬دەستم‭ ‬کرد‭ ‬بە‭ ‬پاكکردنەوە،‭ ‬60‭ ‬ساڵییەکە‭ ‬هات‭ ‬و‭ ‬دەستی‭ ‬خستە‭ ‬سەر‭ ‬شانم‭ ‬و‭ ‬گوتی‭ ‬تۆ‭ ‬باوکت‭ ‬نەبووە‭ ‬من‭ ‬لە‭ ‬جێگەی‭ ‬باوکتم،‭ ‬دوایی‭ ‬هەر‭ ‬ئەو‭ ‬پیاوە‭ ‬گوتی‭ ‬وەرە‭ ‬ئێرە‭ ‬بۆ‭ ‬ژوورەکەم‭ ‬ئیشێکم‭ ‬پێتە‭ ‬گوتم‭: ‬نایەم،‭ ‬بە‭ ‬قژ‭ ‬رایکێشام‭ ‬و‭ ‬بردمیە‭ ‬ژوورەکەی‭ ‬خۆی،‭ ‬هەوڵی‭ ‬دا‭ ‬دەستدرێژی‭ ‬بکاتە‭ ‬سەر‭ ‬من‭ ‬و‭ ‬خوشکەکەم،‭ ‬بەڵام‭ ‬ئێمە‭ ‬بەهێزتر‭ ‬بووین،‭ ‬خوشکەکەم‭ ‬ریشی‭ ‬راکێشا‭ ‬و‭ ‬ئازاری‭ ‬پێ‭ ‬گەشت‭ ‬و‭ ‬هاواری‭ ‬لێ‭ ‬هەستا،‭ ‬ئەوجا‭ ‬بانگی‭ ‬پاسەوانەکەی‭ ‬کرد،‭ ‬بە‭ ‬هەردووکیان‭ ‬دەست‭ ‬و‭ ‬قاچیان‭ ‬بەستین‭ ‬و‭ ‬لێیان‭ ‬داین‭ ‬هەتا‭ ‬بێهۆش‭ ‬بووین،‭ ‬کە‭ ‬بەئاگا‭ ‬هاتینەوە‭ ‬دەستدرێژییان‭ ‬کردبووە‭ ‬سەرمان،‭ ‬نازانین‭ ‬هەر‭ ‬خۆی‭ ‬بوو‭ ‬یان‭ ‬پاسەوانەکەشی‭ ‬بووب‭.                            ‬

‭- ‬کاتێک‭ ‬رووبەڕووی‭ ‬لاقەکردن‭ ‬دەبوویتەوە،‭ ‬چ‭ ‬خواستێک،‭ ‬خەون‭ ‬و‭ ‬ئاواتێک‭ ‬بە‭ ‬مێشکتدا‭ ‬دەهات؟

‭- ‬سەیری‭ ‬پەنجەرەکەم‭ ‬دەکرد‭ ‬و‭ ‬حەزم‭ ‬دەکرد‭ ‬ببم‭ ‬بە‭ ‬باڵندە،‭ ‬بۆ‭ ‬ئەوەی‭ ‬لە‭ ‬کونێکی‭ ‬بچووکەوە‭ ‬دەرباز‭ ‬بم‭ ‬و‭ ‬بۆ‭ ‬شوێنێکی‭ ‬دوور‭ ‬بفڕم‭.‬

سزاکەیان‭ ‬بە‭ ‬دەستدرێژی‭ ‬کۆتایی‭ ‬نایەت‭ ‬و‭ ‬هەردووکیان‭ ‬لە‭ ‬ژوورێکدا،‭ ‬کە‭ ‬بە‭ ‬تۆڕ‭ ‬دەوری‭ ‬گیراوە،‭ ‬زیندانى‭ ‬دەکرێن‭ ‬و‭ ‬بۆ‭ ‬ماوەی‭ ‬پێنج‭ ‬مانگ،‭ ‬رۆژی‭ ‬یەکجار‭ ‬بوتڵە‭ ‬ئاوێک‭ ‬و‭ ‬سەندەویچێکیان‭ ‬بۆ‭ ‬فڕێ‭ ‬دەدرێت‭. ‬خەمێ‭ ‬دەڵێ‭: ‬اپاش‭ ‬پێنج‭ ‬مانگ‭ ‬هەمان‭ ‬پیرەپیاو‭ ‬هاتەوە‭ ‬لامان‭ ‬و‭ ‬گوتی‭ ‬ئایینەکەتان‭ ‬بگۆڕن‭ ‬و‭ ‬شووم‭ ‬پێ‭ ‬بکەن،‭ ‬ئێمەش‭ ‬گوتمان‭ ‬بشمان‭ ‬کوژن‭ ‬نە‭ ‬ئایینی‭ ‬خۆمان‭ ‬دەگۆڕین‭ ‬و‭ ‬نە‭ ‬شوو‭ ‬بە‭ ‬تۆ‭ ‬دەکەین،‭ ‬ئەگەر‭ ‬ئەوەندەش‭ ‬فشار‭ ‬بخەیە‭ ‬سەرمان‭ ‬خۆمان‭ ‬دەکوژین،‭ ‬ئیتر‭ ‬ئەویش‭ ‬پەتێکی‭ ‬بۆ‭ ‬فڕێ‭ ‬داین‭ ‬و‭ ‬گوتی‭ ‬بەو‭ ‬پەتە‭ ‬خۆتان‭ ‬بخنکێنن،‭ ‬چونکە‭ ‬ئەگەر‭ ‬نەبن‭ ‬بە‭ ‬موسڵمان‭ ‬لێتان‭ ‬دەدەم‭ ‬و‭ ‬دەتانفرۆشمەوەب‭.‬

هەر‭ ‬ئەوکات‭ ‬بانگی‭ ‬پاسەوانەکەی‭ ‬کرد‭: ‬سبڕۆ‭ ‬ئەو‭ ‬دووانە‭ ‬بفرۆشە‭ ‬و‭ ‬پارەکەی‭ ‬بنێرە‭ ‬بۆ‭ ‬خێزانەکەم‭ ‬و‭ ‬منداڵەکانمز‭. ‬منداڵ‭ ‬و‭ ‬خێزانی‭ ‬مەغریبین‭. ‬ئەویش‭ ‬وەکو‭ ‬کۆیلە‭ ‬بە‭ ‬کەسێکی‭ ‬شەست‭ ‬ساڵی‭ ‬دیكەیان‭ ‬دەفرۆشێت،‭ ‬كە‭ ‬ناوی‭ ‬یوسف‭ ‬دەبێت‭ ‬و‭ ‬پاش‭ ‬ماوەیەک‭ ‬لە‭ ‬شەڕدا‭ ‬دەکوژرێت‭. ‬لە‭ ‬ماڵی‭ ‬یوسفدا‭ ‬ژنێکی‭ ‬دیکەی‭ ‬ئێزیدیی‭ ‬دووگیان،‭ ‬كە‭ ‬چوار‭ ‬منداڵیشی‭ ‬هەیە،‭ ‬ڕاگیراوە‭. ‬کاری‭ ‬خەمێ‭ ‬لەو‭ ‬ماڵەدا‭ ‬قورستر‭ ‬دەبێت،‭ ‬چونکە‭ ‬جگە‭ ‬لە‭ ‬لاقەکردن،‭ ‬هەتا‭ ‬یوسف‭ ‬دەچێت‭ ‬بۆ‭ ‬شەڕ،‭ ‬لەتەک‭ ‬ژنە‭ ‬دووگیانەکەی‭ ‬دیکە‭ ‬و‭ ‬خوشکەکەی‭ ‬بە‭ ‬رۆژ‭ ‬هەتا‭ ‬ئەوان‭ ‬دەگەڕێنەوە‭ ‬ئەمان‭ ‬خەریکی‭ ‬جل‭ ‬شوشتن‭ ‬و‭ ‬چێشتلێنان‭ ‬و‭ ‬ماڵ‭ ‬پاککردنەوە‭ ‬دەبن‭. ‬کۆمەڵێ‭ ‬ژنی‭ ‬داعشیشی‭ ‬لێ‭ ‬دەبن،‭ ‬ئەمانە‭ ‬بەیانییان‭ ‬زوو‭ ‬دەڕۆن‭ ‬و‭ ‬شەوان‭ ‬دەگەڕێنەوە،‭ ‬کە‭ ‬دەگەڕێنەوە‭ ‬خەمێ‭ ‬و‭ ‬ئەوانی‭ ‬دیکە‭ ‬دەبێ‭ ‬قاچەکانیان‭ ‬بخەنە‭ ‬ئاوی‭ ‬گەرمەوە،‭ ‬دەست‭ ‬و‭ ‬قاچیان‭ ‬بۆ‭ ‬بشۆن‭ ‬و‭ ‬بیانشێلن‭. ‬خەمێ‭ ‬دەڵێت‭: ‬اداعشە‭ ‬ژنەکان‭ ‬لە‭ ‬داعشە‭ ‬پیاوەکان‭ ‬دڵڕەقتر‭ ‬بوون،‭ ‬ژنەکان‭ ‬زۆریان‭ ‬لێ‭ ‬دەداین،‭ ‬ئێمە‭ ‬خۆمان‭ ‬لەژێر‭ ‬کاردا‭ ‬ئەوەندە‭ ‬ماندوو‭ ‬دەبووین‭ ‬هەتا‭ ‬شەو‭ ‬ئاگامان‭ ‬لە‭ ‬خۆمان‭ ‬نەدەما،‭ ‬شەویش‭ ‬کە‭ ‬ئەوان‭ ‬دەگەڕانەوە،‭ ‬پاش‭ ‬ئەوەی‭ ‬خزمەت‭ ‬و‭ ‬شێلانیان‭ ‬تەواو‭ ‬دەبوو،‭ ‬لێیان‭ ‬دەداینب‭.‬

‭- ‬دەڵێن‭ ‬ژنی‭ ‬دووگیان‭ ‬و‭ ‬منداڵدار‭ ‬لاقە‭ ‬نەکراوە،‭ ‬ئایا‭ ‬چۆن‭ ‬مامەڵەیان‭ ‬لەگەڵ‭ ‬ئەو‭ ‬ژنە‭ ‬دووگیانە‭ ‬دەکرد،‭ ‬کە‭ ‬لە‭ ‬ماڵەکەی‭ ‬یوسفدا‭ ‬بوو؟

‭- ‬ئەوە‭ ‬راست‭ ‬نییە،‭ ‬ئەوان‭ ‬یەکەم‭ ‬جار‭ ‬بە‭ ‬منداڵەکان‭ ‬دەستیان‭ ‬پێ‭ ‬کرد،‭ ‬کە‭ ‬منداڵ‭ ‬و‭ ‬کچی‭ ‬پاکیزە‭ ‬تەواو‭ ‬بوون‭ ‬ئەوجا‭ ‬ژنە‭ ‬منداڵدارەکان‭. ‬راست‭ ‬نییە،‭ ‬دەستدرێژییان‭ ‬کردە‭ ‬سەر‭ ‬پیرەژنانیش‭. ‬بە‭ ‬شەش‭ ‬کەس‭ ‬کچێکى‭ ‬سێزدە‭ ‬ساڵەیان‭ ‬لاقە‭ ‬کردبوو،‭ ‬ئێمە‭ ‬لەوانی‭ ‬هۆڵەکەى‭ ‬دیكەمان‭ ‬بیست‭. ‬یوسف‭ ‬لەبەرچاوی‭ ‬من‭ ‬و‭ ‬ژنەکانی‭ ‬دیکەش‭ ‬ئەو‭ ‬ژنە‭ ‬دووگیانەی‭ ‬بردە‭ ‬ژوورەوە‭ ‬و‭ ‬لاقەی‭ ‬دەکرد‭ ‬و‭ ‬لێیشی‭ ‬دەدا،‭ ‬قیژەی‭ ‬هەموو‭ ‬گەڕەکەکەی‭ ‬داگرتبوو،‭ ‬هەر‭ ‬چوار‭ ‬منداڵەکەش‭ ‬بۆ‭ ‬ماوەی‭ ‬زیاتر‭ ‬لە‭ ‬سه‌عاتێک‭ ‬لە‭ ‬دەرەوەی‭ ‬دەرگاکە‭ ‬دەگریان‭ ‬و‭ ‬بە‭ ‬هەردوو‭ ‬دەست‭ ‬بە‭ ‬دەرگاکەیاندا‭ ‬دەکێشا‭.‬

‭ ‬پێویست‭ ‬ناکات‭ ‬بپرسم،‭ ‬سەربارى‭ ‬ئازاری‭ ‬نەگوتراوی‭ ‬خۆیەوە،‭ ‬کارەساتی‭ ‬ئەو‭ ‬ژنە‭ ‬چەند‭ ‬کاری‭ ‬لێ‭ ‬کردووە،‭ ‬کە‭ ‬لە‭ ‬کاتی‭ ‬گێڕانەوەدا‭ ‬دەستێک‭ ‬دەخاتە‭ ‬سەر‭ ‬گوێی‭ ‬راستی‭ ‬و‭ ‬بە‭ ‬دەستی‭ ‬چەپیشی‭ ‬پاڵ‭ ‬دەنێت‭ ‬بە‭ ‬مێزەکەی‭ ‬نێوانمانەوە،‭ ‬ئاماژەیە‭ ‬بۆ‭ ‬ئەوەی‭ ‬کە‭ ‬جارێکی‭ ‬دیکە‭ ‬دەنگی‭ ‬ئەو‭ ‬ژنە‭ ‬و‭ ‬منداڵەکانی‭ ‬لە‭ ‬گوێیدا‭ ‬دەزرنگێتەوە،‭ ‬پێ‭ ‬دەچێت‭ ‬ئەو‭ ‬لە‭ ‬یەکێک‭ ‬لە‭ ‬ژوورەکانی‭ ‬تاواندا،‭ ‬یان‭ ‬ئەو‭ ‬تەوالێتەی‭ ‬کە‭ ‬دواجار‭ ‬دەبێت‭ ‬بەهۆی‭ ‬رزگاربوونی،‭ ‬بە‭ ‬هەموو‭ ‬هێزی‭ ‬دەستە‭ ‬لاواز‭ ‬و‭ ‬بچووکەکانی‭ ‬پاڵی‭ ‬بە‭ ‬دەرگاوە‭ ‬نابێت،‭ ‬بۆ‭ ‬ئەوەی‭ ‬خۆی‭ ‬لەو‭ ‬داعشە‭ ‬گورگانە‭ ‬بپارێزێت‭.‬

‭- ‬چەند‭ ‬لەو‭ ‬شوێنە‭ ‬مایتەوە؟

‭- ‬هەمووی‭ ‬9‭ ‬مانگ‭ ‬و‭ ‬4‭ ‬ڕۆژ‭ ‬لەو‭ ‬ماڵە‭ ‬و‭ ‬5‭ ‬مانگیش‭ ‬لە‭ ‬بەندبخانەكەدا‭ ‬بووم‭.‬

بەپێی‭ ‬گەواهیدانەکانی‭ ‬خەمێ،‭ ‬ژنە‭ ‬ئێزیدییە‭ ‬کۆیلەکراوەکان‭ ‬زیاتر‭ ‬لە‭ ‬تەلەعفەر‭ ‬و‭ ‬میادین‭ ‬و‭ ‬حەلەبەوە‭ ‬دەفرۆشرێن‭ ‬و‭ ‬بەسەر‭ ‬ناوچەکانی‭ ‬دیکەدا‭ ‬دابەش‭ ‬دەکرێن‭. ‬کە‭ ‬یوسف‭ ‬دەچێتە‭ ‬عێراق‭ ‬بۆ‭ ‬شەڕ،‭ ‬ماڵەکە‭ ‬پاسەوانی‭ ‬نامێنێت،‭ ‬یەکێک‭ ‬لە‭ ‬ژنە‭ ‬داعشەکان‭ ‬منداڵێکی‭ ‬دەبێت،‭ ‬خەمێ‭ ‬لە‭ ‬ڕێگەی‭ ‬منداڵەکەوە‭ ‬مۆبایلی‭ ‬ژنەکە‭ ‬بەدەست‭ ‬دەهێنێت‭ ‬و‭ ‬لە‭ ‬تەوالێتەکەدا‭ ‬و‭ ‬لە‭ ‬مۆبایلەکەوە‭ ‬فەیسبووک‭ ‬دەکاتەوە‭ ‬و‭ ‬نامە‭ ‬دەنێرێت‭ ‬بۆ‭ ‬کەسوكارى‭ ‬خۆی‭ ‬لە‭ ‬کوردستان،‭ ‬ئیتر‭ ‬لێرەوە‭ ‬چیرۆکی‭ ‬چۆنیەتیی‭ ‬رزگاربوونی‭ ‬با‭ ‬بمێنێت‭ ‬بۆ‭ ‬پاش‭ ‬رزگاربوونی‭ ‬کورد‭ ‬لەدەست‭ ‬داعشە‭ ‬جۆراوجۆرەكان‭.‬

‭ ‬تێبینی‭: ‬بەهۆی‭ ‬پابەندبوون‭ ‬بە‭ ‬لایەنی‭ ‬یاسایی‭ ‬و‭ ‬ئەتیکی‭ ‬لێکۆڵینەوە،‭ ‬وێنە‭ ‬و‭ ‬ناوی‭ ‬ڕاستەقینە‭ ‬ئاشکرا‭ ‬ناکرێن‭ ‬و‭ ‬هەر‭ ‬کچە‭ ‬و‭ ‬هەر‭ ‬ناوێکی‭ ‬خوازراوى‭ ‬کە‭ ‬پێى‭ ‬خۆشە،‭ ‬هەڵدەبژێرێت‭... ‬بۆ‭ ‬راستیی‭ ‬ناوی‭ ‬دێیەکان،‭ ‬راوێژم‭ ‬لەگەڵ‭ ‬نووسەری‭ ‬بەڕێز‭ ‬تەها‭ ‬سلێمان‭ ‬کردووە،‭ ‬بۆ‭ ‬ئەوەی‭ ‬بە‭ ‬راستى‭ ‬و‭ ‬دروستی‭ ‬بنووسرێن‭.‬