وەزیری خوێندنی باڵا و توێژینەوەی زانستی حکوومەتی هەرێمی کوردستان ڕایگەیاند لە کۆبوونەوەی ئەمڕۆی ئەنجوومەنی وەزارەتی خوێندنی باڵا بڕیاردرا بە دابینکردنی کورسی خوێندنی ماستەر و دکتۆر بۆ کەسوکاری پلەیەکی شەهید و ئەنفالکروان.
د. ئارام محەمەد وەزیری خوێندنی باڵا و توێژینەوەی زانستی ڕایگەیاند: "ئەمڕۆ لە کۆبوونەوەى ئەنجوومەنى وەزارەتى خوێندنى باڵا و توێژینەوەى زانستى لە بەرامبەر خەبات و قوربانیدانى شەهیدان و ئەنفالکراوان لە مێژووى خەباتى ڕزگاریخوازى گەلەکەمان و ڕەخساندنى دەرفەتى زیاترى خوێندن، بڕیارماندا له كردنه‌وه‌ی خوێندنى باڵا/ ماستەرو دکتۆرا کەسوکارى پلە یەکى شەهید و ئەنفالکراوان (هاوسه‌ر، كوڕ و كچ) كورسی تایبه‌تیان بۆ ته‌رخان بكرێت".
ڕوونیشیکردەوە کە مەرجی جێبەجێکردنی ئەو بڕیارە ئەوەیە کە هه‌ر كه‌سێك سەرجەم مەرجەکانى پێشکەشکردنى تێدا بێت و لە تاقیکردنەوەى توانستى زانستى دەربچێت، به‌ده‌ر له پلانی ئاسایی وه‌رگرتن کورسى خوێندنى تایبەتی بۆ تەرخان دەکرێت، واتا ناچنه پێشبڕكێی پێشكه‌شكارانی دیكه.
گوتیشی: "ئەم بڕیارەى ئەنجوومەنى وەزارەت بۆ کەسوکار و بنەماڵەى شەهیدان و ئەنفالکراوان خزمەتێکى کەمى قوربانیدان و گیانفیدایى شەهیدەکانمانە".
