ئەمڕۆ یەكشەممە مەكتەبی رێكخستنی یەكێتی لەگەڵ لێپرسراوی مەڵبەندەكانی ئەو حزبە كۆبووەوە و بە دەنگی زۆرینە پێشنیاز كرا رۆژی 21/11/2019 كۆنگرەی چوارەمی یەكێتی ببەسترێت.
لە ماوەی رابردوودا مەكتەبی رێكخستنی یەكێتی چەند كۆبوونەوەیەكی لەگەڵ مەڵبەندەكانی ئەو حزبە ساز كردبوو بۆ گفتوگۆكردن لەسەر كۆنگرەی چوارەم و لە كۆبوونەوەی رۆژی یەكشەممەشدا ئەنجوومەنی مەكتەبەكە و لێپرسراوی مەڵبەندەكان بە زۆرینەی دەنگ پێشنیازیان كردبوو كە رۆژی 21/11/2019 كە هاوكاتە لەگەڵ رۆژی شەهیدی یەكێتی، كۆنگرەی چوارەمی ئەو حزبە ببەسترێت.
بەپێی راگەیەندراوی مەكتەبی رێكخستنی یەكێتی، كۆبوونەوەكانی ئەو ئۆرگانە لەبارەی كۆنگرەی چوارەم بەردەوام دەبێت بۆ گفتوگۆكردن لەسەر وردەكارییەكانی بەستنی كۆنگرەی چوارەمی یەكێتی.
