ئه‌ندامه‌كێ جڤاتا قه‌زا شنگال دیاركر، به‌رى ده‌مه‌كێ كێم ئه‌ڤرۆ 10/6/2019 ئاگره‌كێ مه‌زن به‌ربوویه‌ ده‌خلۆدانێ جۆتیارێن كورد هه‌تا نوكه‌ یێ به‌رده‌وامه‌".

خه‌لیل حه‌سه‌ن، ئه‌ندامێ جڤاتا قه‌زا شنگال بۆ(باسنیوز) دیاركر: "نها ئاگر به‌ربوویه‌ ده‌خلۆدانێ جۆتیارێن كورد دناڤبه‌را به‌عاج و قه‌زا شنگالێ دا وهیشتا ئاگر نه‌هاتیه‌ كونترول كرن رووبه‌ره‌كى مه‌زن ده‌خلۆدانێ دیسان هاته‌ سووتن ئه‌گه‌رێن ڤان روودانان ژى ئاشكرا نینن هه‌ر كه‌سه‌كێ تشته‌كێ دبیژت لێ ئه‌ڤ سالا مه‌زنترین رووبه‌رى ده‌خلۆدانێ جۆتیارێن كورد ل شنگال هاته‌ سووتن".

خۆیا ژى كر: "ل شه‌ڤا بۆرێدا ژى دوو جاران ئاگر به‌ربوویه‌ ده‌خلۆدانێ جۆتیاران ل نیزیك ته‌له‌عفه‌ر ونها ژى ئاگره‌كێ مه‌زن به‌ربوویه‌ ده‌خلۆدانێ جۆتیاران ناڤبه‌را به‌عاج و شنگالێ دا پتریا وێ ئه‌ردى ژى یێ جۆتیارێن مه‌یه‌".