د وه‌رزێ سه‌رما و زڤستانا ئه‌ڤ ساله‌ دا ئاوارێن سنورێ پارێزگه‌ها دهوكێ بو دوه‌م جاره‌ ژ وه‌رگرتنا گازا سپى د ئه‌ڤ ساله‌ دا مفادار دبن

.

سالم سه‌عید، به‌رپرسێ پشكا په‌یوه‌ندى و راگه‌هاندنا بوردێ كاروبارێن مرۆڤایه‌تى ل دهوكێ بو (باسنیوز) دا دیاركرن: "ب مه‌ره‌ما پتر خزمه‌تكرنا خه‌لكێ ئاواره‌ ل سنورێ پارێزگه‌ها دهوكێ ، و ب هاریكاریا وه‌زاره‌تا كوچ و كوچبه‌ران كو هاریكار بون د دابینكرنا رێژه‌یه‌كا گازا سپى بو مه‌ ، ئه‌ڤرۆ ل رێكه‌فتى 4/3/2019 بوردێ كاروبارێن مرۆڤایه‌تى ل دهوكێ د وه‌رزێ ئه‌ڤ ساله‌ دا بو دووه‌م جار گازا سپى ل سه‌ر ئاوارێن سنورێ پارێزگه‌ها دهۆكىً هاته‌ به‌لاڤكرن و به‌لاڤكرنا گازێ یا به‌رده‌وامه‌".

دوپاتکرد: "ئه‌و ئاوارێن د ناڤ كه‌مپان دا د ئاكنجى بتنێ ل سه‌ر وان گاز دهێت به‌لاڤ كرن و دیسان و ل سنورێ قه‌زا زاخو و و هه‌ردو كه‌مپێن (بێرسڤێ و ده‌ركارێ) ل ڤان هه‌ردو كه‌مپان گاز دێ هێته‌ به‌لاڤ كرن و ژبلى قه‌زا زاخو ئاوارێن د ناڤ كه‌مپێن دیتر دا ژى دێ ژ وه‌رگرتنا گازێ مفادار بن".

گۆتژی: "ل سنورێ پارێزگه‌ها دهوكێ سه‌رجه‌مێ وان ئاوارێن د ناڤ كه‌مپان دا د ئاكنجى زێده‌تر ژ (31) هزار ئاواره‌یانه‌ و ئاوارێن ژ ده‌رڤه‌ى كه‌مپێ نێزیكى (40) هزار ئاواره‌یانه‌ و بو هه‌ر خێزانه‌كێ ژلایێ مه‌ ڤه‌ دێ (50) لیترێن گازا سپى هێنه‌ به‌لاڤ كرن كو نێزیكى (1550,000) لیترێن گازێ دێ هێنه‌ به‌لاڤكرن و ئه‌ڤه‌ د ده‌مه‌كێ دایه‌ كو ل دوماهیا سالا (2018) ژى گاز ل سه‌ر ئه‌ڤان ئاواران هاتبو به‌لاڤكرن و ئه‌ڤه‌ بو دووه‌م جاره‌ ئاوارێن سنورێ پارێزگه‌ها دهوكێ ژ وه‌رگرتنا گازا سپى ژ لایێ مه‌ ڤه‌ د مفادار د بن ".