لە ئاکرێ جووتیارێك توورێكی بە کێشی11 كیلۆ بەرهەم هێنا

05/12/2019 - 09:21 بڵاوکراوەتەوە لە لایف ستایل

جووتیارێك لە سنووری قەزای ئاكرێ،‌ توورێكی قەبارە گەورەی بۆ یەكەم جار لە ماڵەكەیدا بەرهەم هێناوە كە وەك خۆی دەڵێت بۆ یەكەمجارە ئەم جۆرە تورە بەرهەمدەهێندرێت و کێشەکەی 11 کیلۆگرامە.

هەوار رزگار، جووتیارێكی دەڤەری ئاكرێیە و بە ( باسنیوز)ی راگەیاند: "ساڵانە لە وەرزی پاییزدا كۆمەڵێك سەوزە بۆ خواردنی رۆژانە لە ماڵەوە دەچینم و بەرهەمەكەی لە پاییز و زستاناندا دەخۆین و پێویستمان بە كڕینی سەوزە نابێ".

گۆتیشی: "ئەمساڵ بۆ یەكەم جار توورێكی قەبارە گەورەم بەرهەم هێناوە كە 11 كیلو گرامە و بۆ یەكەمجارە ئەم جۆرە توورە بەو کێشە بەرهەم دێت و پێشتر قەبارە گەورە هەبووە، بەڵام ئەمساڵ قەبارەكەی زۆر زیاتر بووە و ئەم بنەتۆوە هەمان تۆوی ساڵانی رابردوویە".

ئەلبوومی وێنەکان