BasNews- Li gor zanyariyan 40 çalakvanên kurd ên siyasî, civakî, parêzer û endamên berê yê parlamentoya Îranê li Rojhelatê Kurdistanê di nameyekê de bo Rêberê komara Îranê Elî Xamineyî daxwaz kirin ku, biryara sêdarkirina Ramîn Hisên Penahî were hilweşandin.
Di nameya wan çalakvan û parêzerên kurd de hat ku, niha Rabîn Hisên Penahî li gor biryara dadgehê li ber sizayê sêdarkirinê ye, lê rêberê komarê mafê pêdaçûn û hilweşandina biryarê heye, lewma xelkê Rojhelatê Kurdistanê jî çaverêya karekî wiha dikin ji ber ku, Ramîn Hisên Penahî ne yê sêdar kirinê ye.
Li gor çavkaniyên mafê mirovan cîbecîkirina sizaya sêdarkirinê hatiye pesend kirin û biryare piştî meha remezanê were pêkanîn.
