Kurê Danielle Mitterrand piştevaniya serxwebûna Kurdistanê dike

Dê di demek nêzîk de serdana Kurdistanê bike

Dolemerî - Gilbert Mitterrand Dolemerî - Gilbert Mitterrand

Şerîf Felah 

BasNews – Kurê siyasetmedara navdara Fransî Danielle Mitterrand, Gilbert Mitterrand piştevaniya referandoma serxwebûna Herêma Kurdistana Iraqê dike.

Nûnerê Hikûmeta Kurdistanê li Fransa, Elî Dolemerî li ser rûpela xwe ya facebookê ragihandiye, kurê Danielle Mitterrand (kurd jê re dibêjin Dayîka Kurdan) Gilbert Mitterrand piştevaniya referandom û serxwebûna Kurdistanê dike.

Elî Dolemerî her wiha gotiye, Gilbert Mitterrand dê di demek nêzîk de serdana Herêma Kurdistanê bike bo vekirina dezgeha çandî-mirovî ya Danielle Mitterrand.

Danielle Mitterrand, hevjîna serokê berê yê Fransa Fransços Mitterrand bû. Dosteka nêzîk ya kurdan bû.

Danielle Mitterrand sala 2011 wefat kir.