Bexda sibê mûçeyê vê mehê yê karmendên Kurdistanê dişîne

22/07/2019 - 14:32 Kategori Aborî

BasNews  - Endamekî kurd yê komîsyona darayî ya parlementoya Iraqê ragihand, hikûmeta Iraqê dê sibê mûçeyê vê mehê yê karmendên Kurdistanê bişîne.

Parlementerê kurd û endamê komîsyona darayî ya parlementoya Iraqê, Ehmed Sefar ji BasNewsê re got, ew astengiyên teknîkî yên ku bibûn sebeba gîrobûna şandina mûçeyê vê mehê yê karmendên Kurdistanê, hatine çareserkirin ji ber wê jî Bexda dê sibê (23 vê mehê) mûçe bişîne Kurdistanê.

Wezîrê Darayî yê Kurdistanê, Awat şêx Cenab jî beriya niha ji BasNewsê re gotibû, Bexda dê îro yan sibê mûçeyê karmendên Kurdistanê bişîne.

Li gorî rêkeftina navbera Bexda û hikûmeta Kurdistanê, Bexda her meh mûçeyê karmendên Kurdistanê dişîne Hewlêrê. Pişka vê mehê hinekî gîro bibû.